ডিজিটেল ডেস্ক
এলন মাস্কে টুইটাৰৰ দায়িত্ব লোৱাৰ সময়তেই আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্পৰ একাউণ্ট পুনৰুদ্ধাৰ সম্পৰ্কীয় চৰ্চাই প্ৰাধান্য লাভ কৰিছিল৷আনকি ট্ৰাম্পৰ একাউণ্ট পুনৰুজ্জীৱিত কৰাৰ বাবে শনিবাৰে ভোটদানো হৈছিল৷
দেওবাৰে ভোটদান সমাপ্ত হোৱাৰ পিছত ট্ৰাম্পৰ টুইটাৰ একাউণ্টটো পুনৰ দেখিবলৈ পোৱা যায় যদিও পুনৰ টুইটাৰ ব্যৱহাৰ কৰিবলৈ কোনো ধৰণৰ আগ্ৰহ নাই বুলি ট্ৰাম্পে মত প্ৰকাশ কৰে৷ টুইটাৰৰ বিপৰীতে ট্ৰাম্প মিডিয়া এণ্ড টেকন’লজি গ্ৰুপে আৰম্ভ কৰা এপ ট্ৰুথ ছ’চিয়েলে টুইটাৰতকৈ ভাল কাম কৰিব বুলি ট্ৰাম্প বিশ্বাসী৷ অৱশ্যে ট্ৰাম্পৰ এই মন্তব্যক লৈ কোনোধৰণৰ প্ৰতিক্ৰিয়া ব্যক্ত কৰা নাই টুইটাৰে ৷
উল্লেখযোগ্য যে, ২০২১ চনৰ জানুৱাৰী মাহত কেপিটেল হিলত হিংসাত্মক কাৰ্যকলাপৰ উচটনিমূলক মন্তব্য দিয়াৰ অপৰাধত টুইটাৰে ট্ৰাম্পৰ একাউণ্ট বন্ধ কৰিছিল।
Continue Reading
