ডিজিটেল ডেস্ক
বিজ্ঞানক সাৰথি কৰি মানুহ যিমানেই আগবাঢ়ি গৈছে সিমানেই ৰহস্যময় হৈ পৰিছে পৃথিৱীখন৷ এইবাৰ ২৩ দিনীয়া নৱজাত শিশুৰ পেটৰ পৰা ওলাল ৮ টাকৈ ভ্ৰূণ৷ চিকিৎসকৰ মতে এইয়া পৃথিৱীৰ প্ৰথম ঘটনা৷ এই ঘটনা শুনিবলৈ আচৰিত যদিও সঁচা৷ এই ঘটনা সংঘটিত হৈছে ঝাৰখণ্ডৰ ৰাজধানী ৰাঁচীৰ ৰাণী শিশু চিকিৎসালয়ত৷
ডাঃ বিন্দু কুমাৰীৰ মতে এনে ধৰণৰ ঘটনাক ফিটস ইন ফিটু বুলি কোৱা হয়। ৮ ৰ পৰা ১০ লাখ শিশুৰ ভিতৰত যিকোনো এজনৰ ক্ষেত্ৰতহে এনেকুৱা হয়।
নৱজাতক কন্যা শিশুটিৰ পেটৰ অস্ত্ৰোপচাৰ কৰি ৮ টাকৈ ভ্ৰূণ আঁতৰাইছে চিকিৎসকে। জানিব পৰা মতে ,কন্যা শিশুটিৰ ১০ অক্টোবৰত জন্ম হৈছিল। জন্মৰ পিছতে শিশুটিৰ পেটৰ বিষ হোৱাৰ লগতে পেট ফুলি উঠিছিল। সেয়ে চিকিৎসাৰ বাবে ভৰ্তি কৰা হৈছিল ৰাণী শিশু চিকিৎসালয়ত৷ স্কেন কৰাৰ পিছত শিশুটিৰ পেটত ডাৰ্মাটাইটিছ চিষ্ট থকাৰ আশংকা কৰা হৈছিল৷ অস্ত্ৰোপচাৰৰ জৰিয়তে ৮ টাকৈ ভ্ৰূণ আঁতৰাবলৈ সক্ষম হৈছিল চিকিৎসক। বৰ্তমান শিশুটি বিপদমুক্ত অৱস্থাত আছে বুলি জানিব পৰা গৈছে৷
Continue Reading
