‘আপ’ৰ কাউন্সিলৰক কোন বিজেপি সাংসদে জন্তু বুলি তাচ্ছিল্য কৰিলে ?

ডিজিটেল ডেস্ক: সংবিধানৰ নামত শপতগ্ৰহণ কৰা এগৰাকী সাংসদৰ স্পৰ্ধাই চণ্ডীগড়ত প্ৰতিক্ৰিয়াৰ সৃষ্টি কৰিছে৷ অভিনেতা অনুপম খেৰৰ পত্নী তথা চণ্ডীগড় লোকসভা সমষ্টিৰ সাংসদ কিৰণ খেৰে আম আদমী পাৰ্টীৰ নিৰ্বাচিত কাউন্সিলৰসকলক ‘জন্তু’ বুলি আখ্যা দিয়াৰ লগতে তেওঁলোকৰ আচৰণক ‘ বন্য আচৰণ’ বুলি অভিহিত কৰিছে৷ আৰু তেওঁৰ এই মন্তব্যৰ পাছতে ৰাজ্যখনত সৃষ্টি হৈছে তীব্ৰ প্ৰতিক্ৰিয়াৰ৷

নৰেন্দ্ৰ মোদী নেতৃত্বাধীন কেন্দ্ৰীয় চৰকাৰৰ আঠ বছৰ সম্পূৰ্ণ হোৱাৰ সন্দৰ্ভত খেৰে চেক্টৰ ৩৩ৰ চণ্ডীগড় বিজেপিৰ মুখ্য কাৰ্যালয়ত এখন সংবাদমেল সম্বোধন কৰি আছিল। মেয়ৰ, পৌৰ বিষয়া আৰু কেন্দ্ৰীয় শাসিত অঞ্চলৰ প্ৰশাসনে তেওঁলোকৰ ৱাৰ্ডত প্ৰকল্পৰ অনুমতি নিদিয়াৰ অভিযোগৰ সন্দৰ্ভত আপ কাউঞ্চিলৰসকলৰ অভিযোগৰ প্ৰত্যুত্তৰত তেওঁ সেই মন্তব্য কৰিছিল৷

আপৰ অভিযোগৰ উত্তৰত খেৰে কয়, কাৰো কথা নুশুনা বা কাৰো সিদ্ধান্তক গ্ৰহণ নকৰাটো তেওঁলোকৰ স্বভাৱত পৰিণত হৈছে। পৌৰ নিৰ্বাচনৰ পিছত তেওঁলোকে প্ৰথম সদনত হুলস্থূলৰ সৃষ্টি কৰিছিল। তেওঁলোকে সদনৰ মৰ্যাদা মনত ৰাখিব লাগে আৰু কিছু সন্মান কৰিব লাগে। তেওঁলোকে মেজ আৰু চশমা ভাঙি আছিল। মই এনেকুৱা বন্য উল্লাস কেতিয়াও দেখা নাই।

দুবছৰতকৈও অধিক সময়ৰ পাছত এখন সংবাদমেল সম্বোধন কৰি খেৰে কয়, যেতিয়াই বিজেপি বা কংগ্ৰেছ বিৰোধী আছিল, কাউঞ্চিলৰসকলে ইজনে-সিজনৰ বিৰুদ্ধে ব্যংগাত্মক মন্তব্য কৰিব পাৰে, কিন্তু মই কেতিয়াও এনে ‘ডুংগৰপানা’ (জন্তু) দেখা নাছিলোঁ। কংগ্ৰেছে কেতিয়াও এনে কাম কৰা নাছিল। যেতিয়া মই তাত আপৰ আচৰণ দেখিছিলোঁ, মই হতবাক হৈ পৰিছিলোঁ।

তেওঁ লগতে কয়, মই আনকি কংগ্ৰেছৰ কাউঞ্চিলৰসকলক মোৰ এমপিএলএডি পুঁজিৰ পৰাও সহায় কৰিছো যেতিয়া তেওঁলোকে তেওঁলোকৰ ৱাৰ্ডত কিছুমান কাম বিচাৰিছিল। এবি ইনচে কি বাত কাৰে, কেয়া হেল্প কাৰে (এএপি কাউঞ্চিলৰৰ সৈতে কথা পতাৰ কোনো অৰ্থ নাই)। খেৰৰ বক্তব্যৰ প্ৰতি প্ৰতিক্ৰিয়া ব্যক্ত কৰি আপ চণ্ডীগড়ৰ সভাপতি প্ৰেম গাৰ্গে কয় যে তেওঁ কেৱল সন্মানীয় সাংসদগৰাকীৰ প্ৰতি এনে শব্দ ব্যৱহাৰ কৰাৰ বাবে সহানুভূতিশীল হ’ব পাৰে, সেয়াও মহিলা কাউঞ্চিলৰসকলৰ বাবে।

কিয়নো, চহৰখনৰ পৰা দীৰ্ঘদিন ধৰি অনুপস্থিত থকাৰ সমালোচনাৰ বাবে তেওঁ হয়তো যথেষ্ট মানসিক চাপৰ সন্মুখীন হৈছিল আৰু এই সমালোচনাই তেওঁৰ ভাল জ্ঞানকো প্ৰভাৱিত কৰিব পাৰে। মই কেৱল ঈশ্বৰৰ ওচৰত প্ৰাৰ্থনা কৰিব পাৰোঁ যাতে সন্মানীয় কাউঞ্চিলৰসকলৰ প্ৰতি এনে ধৰণৰ বেয়া আৰু লেতেৰা ভাষা ব্যৱহাৰ কৰাৰ পৰিৱৰ্তে তাইক অধিক ভাল হাস্যৰস প্ৰদান কৰিব পাৰি৷

তেওঁ লগতে কয়, মই সন্দেহ কৰোঁ যে চণ্ডীগড়ৰ কোনো ৰাজনৈতিক নেতাই কেতিয়াবা চহৰখনৰ যথাযথভাৱে নিৰ্বাচিত জনপ্ৰতিনিধিসকলৰ বাবে এনে ভাষা ব্যৱহাৰ কৰিছিল নেকি। এগৰাকী মহিলা আৰু চহৰখনৰ প্ৰতিনিধি হোৱাৰ বাবে, সাংসদগৰাকী মহিলা পৰিষদৰ মৰ্যাদা বজাই ৰাখিবলৈ বাধ্য। জনপ্ৰতিনিধিসকলৰ বাবে এনে ভাষা ব্যৱহাৰ কৰাটো কেৱল কাউঞ্চিলৰসকলৰ বাবেই নহয়, চহৰখনৰ জনসাধাৰণৰ বাবেও অপমানজনক বুলি তেওঁ মন্তব্য কৰে৷