‘আপোনালোক আমাৰ অতিথি, ভাৰতভূমি আপোনালোকৰে ঘৰ’: আফগানিস্তানৰ শিখ-হিন্দু শৰণাৰ্থীক উদ্দেশ্যি প্ৰধানমন্

ডিজিটেল ডেস্কঃ প্ৰধানমন্ত্ৰী নৰেন্দ্ৰ মোদীয়ে শনিবাৰে আফগানিস্তানৰ শিখ-হিন্দুসকলৰ এটা প্ৰতিনিধি দলক সাক্ষাৎ কৰি আশ্বাস দিয়ে যে, ‘ভাৰত তেওঁলোকৰ নিজৰ ঘৰ আৰু প্ৰতিজন ভাৰতীয়ই তেওঁলোকৰ প্ৰতি অপৰিসীম মৰম আৰু সন্মান ৰাখে’। প্ৰধানমন্ত্ৰীয়ে তেওঁৰ চৰকাৰী বাসভৱনত শিখ সম্প্ৰদায়ৰ বিশিষ্ট ব্যক্তি আৰু আধ্যাত্মিক নেতাসকলৰ এটা প্ৰতিনিধি দলক সাক্ষাৎ কৰাৰ পাছত এই বৈঠকখন অনুষ্ঠিত কৰিছিল। প্ৰধানমন্ত্ৰী নৰেন্দ্ৰ মোদীয়ে প্ৰথমবাৰৰ বাবে তালিবানে দেশখন দখল কৰাৰ পাছত আফগানিস্তানত উৎপীড়নৰ সন্মুখীন হোৱা সংখ্যালঘু সম্প্ৰদায়ৰ নেতাসকলক সাক্ষাৎ কৰে। প্ৰধানমন্ত্ৰী মোদীয়ে কয় যে, ‘ভাৰতভূমি আপোনালোকৰ নিজা ঘৰ। আপোনালোক আমাৰ বাবে অতিথি নহয় আৰু প্ৰতিজন ভাৰতীয়ৰে আপোনালোকৰ প্ৰতি প্ৰেম আৰু সন্মান আছে।’ প্ৰধানমন্ত্ৰীয়ে নাগৰিকত্ব সংশোধনী আইনৰ সুবিধা আৰু সমাজৰ বাবে ইয়াৰ লাভালাভৰ বিষয়েও আলোচনা কৰে। প্ৰধানমন্ত্ৰীয়ে আফগান শিখ-হিন্দুসকলৰ তেওঁলোকৰ ভৱিষ্যত সুৰক্ষিত কৰাৰ বাবে আশ্বাস প্ৰদান কৰে।