ডিজিটেল ডেস্ক: কলকাতা আৰক্ষীৰ চমনৰ প্ৰতি সঁহাৰি নজনোৱা বাবে নূপুৰ শৰ্মালৈ কলকাতা আৰক্ষীয়ে জাৰি কৰিছে লুকআউট ন’টিচ৷ হজৰত মহম্মদ সম্পৰ্কে আপত্তিজনক মন্তব্য কৰাৰ পাছত পশ্চিম বংগৰ কিছু অংশত সংঘটিত হৈছিল ব্যাপক হিংসাত্মক ঘটনা৷ নূপুৰ শৰ্মাই চতুৰ্থবাৰৰ বাবে ৰাজ্যখনৰ চোৰাংচোৱাসকলৰ সন্মুখত হাজিৰ হ’বলৈ বিফল হোৱাৰ পাছত কলকাতা আৰক্ষীয়ে আজি বিজেপিৰ নিলম্বিত মুখপাত্ৰ নূপুৰ শৰ্মাৰ বাবে লুকআউট ন’টিচ জাৰি কৰিছে।
নূপুৰ শৰ্মাই আমহাৰ্ষ্ট ষ্ট্ৰীট আৰু নাৰ্কেলডাংগা আৰক্ষী থানাৰ বিষয়াসকলৰ দ্বাৰা জাৰি কৰা চমনৰ প্ৰতি সঁহাৰি জনোৱা নাছিল৷ ৰাজ্যখনৰ এগৰাকী জ্যেষ্ঠ আৰক্ষী বিষয়াই এটি ৰাষ্ট্ৰীয় সংবাদ প্ৰতিষ্ঠানক জনোৱা মতে, কেইবাবাৰো মাতি অনা স্বত্বেও নূপুৰ শৰ্মাই বিষয়াসকলৰ সন্মুখত হাজিৰ হ’বলৈ বিফল হোৱাৰ পিছত আজি লুকআউট জাননী জাৰি কৰা হৈছে।
দুখন আৰক্ষী থানাই তেওঁক দুবাৰকৈ মাতি পঠিয়াইছিল বুলি তেওঁ সদৰী কৰে৷ নুপুৰ শৰ্মাই তেওঁৰ ওপৰত সম্ভাৱ্য আক্ৰমণৰ আশংকাৰ কথা উল্লেখ কৰিছিল৷ তেওঁ কলকাতা ভ্ৰমণ কৰিবলৈ আৰু আৰক্ষী বিষয়াসকলৰ সন্মুখত হাজিৰ হ’বলৈ চাৰি সপ্তাহৰ সময় বিচাৰিছে বুলি জানিব পৰা গৈছে৷
Continue Reading
