আপুনি আনতকৈ বেছি ঠাণ্ডা অনুভৱ কৰে নেকি, এই সংকেতবোৰক আওকাণ নকৰিব

ডিজিটেল ডেস্ক : শীতকালত হাত সাৰিবলৈ বহু ব্যৱস্থা গ্ৰহণ কৰে। যেনে- গৰম খাদ্য গ্ৰহণ কৰা, গৰম পানীৰে গা ধোৱাৰ লগতে গৰম কাপোৰ পিন্ধা আদি যৎপৰোনাস্তি চেষ্টা কৰো। কিন্তু এই সকলোবোৰ কৰাৰ পাছতো কিছুমান লোকৰ ঠাণ্ডা অনুভৱ হয়। যিমানেই কাপোৰ পিন্ধক কিয়, তাৰ পাছতো শৰীৰৰ কঁপনি উঠে। যদি আপোনাৰ ক্ষেত্ৰতো একেই হয় তেন্তে এই লক্ষণবোৰক কেতিয়াও আওকাণ নকৰিব। কম-বেছি পৰিমাণে ঠাণ্ডা অনুভৱ কৰাৰ সম্পৰ্ক আপোনাৰ খাদ্যাভ্যাস, জীৱনশৈলী আৰু শৰীৰৰ আভ্যন্তৰীণ ক্ষমতাৰ সৈতে জড়িত। সেইবাবেই এই সমস্যাৰ পৰা সময়মতে পৰিত্ৰাণ পোৱাটো প্ৰয়োজন।

 আপুনি আনতকৈ বেছি ঠাণ্ডা অনুভৱ কৰেনে?

এই কথাটো আমি সহজভাৱে ল’লেও। কিন্তু আপোনাৰ শৰীৰৰ যিকোনো অভাৱৰ বাবেও এই সমস্যাৰ সৃষ্টি হ’ব পাৰে। কেতিয়াবা যদি থাইৰয়ডৰ অৱনতি ঘটে, তেন্তে আপুনি অধিক ঠাণ্ডা অনুভৱ কৰে। ইয়াৰ বাহিৰেও তেজৰ চলাচল কম হোৱাৰ বাবে শৰীৰৰ সকলো অংশতে তেজ সঠিক পৰিমাণত প্ৰৱাহিত নহয়, ফলত অধিক ঠাণ্ডা অনুভৱ হ’ব পাৰে। সঠিক টোপনিৰ অভাৱো ঠাণ্ডা হোৱাৰ কাৰণ হ’ব পাৰে। লগতে ডিহাইড্ৰেচনৰ বলি হ’লেও আপুনি অধিক ঠাণ্ডা অনুভৱ কৰিব পাৰে। আপোনাৰ ওজন আপোনাৰ উচ্চতাৰ অনুপাতে কম হ’লেও আপুনি আনতকৈ বেছি ঠাণ্ডা অনুভৱ কৰিব পাৰে।

 আজিয়েই এই অভ্যাসবোৰ সলনি কৰক-

যদি আপোনাৰ থাইৰয়ড আছে তেন্তে চিকিৎসকৰ পৰামৰ্শ অনুসৰি পৰীক্ষা কৰোৱাও। তেজ পাতল হোৱাৰ বাবে বহু সময়ত মানুহৰ অধিক ঠাণ্ডা অনুভৱ হয়। ইয়াৰ বাবে স্বাস্থ্যসন্মত খাদ্য তালিকাত অন্তৰ্ভুক্ত কৰাটো প্ৰয়োজনীয়। সেউজীয়া শাক-পাচলি আৰু প্ৰটিনসমৃদ্ধ খাদ্য খাব লাগে। বিশেষজ্ঞসকলৰ মতে যদি তাপমাত্ৰা বেছি কম হয় তেন্তে শৰীৰৰ বহু অংশই কাম বন্ধ কৰি দিয়ে। কেতিয়াবা বহু অংগ বিকল হোৱাৰ বাবে এজন ব্যক্তিৰ মৃত্যু পৰ্যন্ত হ’ব পাৰে। এনে পৰিস্থিতিত তীব্ৰ শীতকালত বিশেষকৈ নিশা খাদ্য তালিকাত কণী, হালধি গাখীৰ আৰু শুকান ফল অন্তৰ্ভুক্ত কৰক।