"আপুনি ধেমালি কৰিছে নেকি?" সুধা মূৰ্তিয়ে লিখা লণ্ডনৰ ঠিকনা বিশ্বাসেই কৰিব পৰা নাছিল ইমিগ্ৰেচন বিষয়াই, কিন্তু কিয়?

সেয়ে ইমিগ্ৰেচন বিষয়াজনে সুধা মূৰ্তিৰ ঠিকনাকলৈ সন্দেহ ব্যক্ত কৰিছিল। উল্লেখ্য সুধা  মূৰ্তিৰ জীয়ৰী অক্ষতাৰ চৰকাৰী বাসভৱনৰ ঠিকনা হৈছে  লণ্ডনৰ '১০ ডাউনিং ষ্ট্ৰীট'।  সুধা  মূৰ্তিৰ জীয়ৰী অক্ষতা হৈছে ব্ৰিটেইনৰ প্ৰধানমন্ত্ৰী ঋষি চুনাকৰ পত্নী।  চুনাকে  যি যোৱা বছৰৰ ছেপ্টেম্বৰ মাহত ব্ৰিটেইনৰ প্ৰধানমন্ত্ৰী হিচাপে দায়িত্ব গ্ৰহণ কৰিছিল।সুধা মূৰ্তিয়ে তেওঁৰ অভিজ্ঞতাৰ কথা বৰ্ণনা কৰি কয় " এবাৰ যেতিয়া মই লণ্ডনলৈ  গৈছিলো, তেওঁলোকে মোক মোৰ আৱাসিক ঠিকনা সুধিছিল। 'আপুনি  লণ্ডনৰ ক’ত থাকে’? মোৰ বাইদেউও মোৰ লগত আছিল।  মই ভাবিছিলো যে মই '১০ ডাউনিং ষ্ট্ৰীট' লিখিব লাগিব। মোৰ ল'ৰাও ব্ৰিটেইনত বাস কৰে, কিন্তু তেওঁৰ সম্পূৰ্ণ ঠিকনা মোৰ মনত পৰা নাছিল। সেয়ে  মই অৱশেষত ১০ ডাউনিং ষ্ট্ৰীট লিখিছিলো," ।

 ইমিগ্ৰেচন বিষয়াই সুধা মূৰ্তিক চিনি পোৱা নাছিল, সেয়ে তেওঁৰ ঠিকনাটোকলৈ সন্দেহ প্ৰকাশ কৰিছিল।মূৰ্তিয়ে  কয় যে ইমিগ্ৰেচন বিষয়াজনে সম্পূৰ্ণ অবিশ্বাসেৰে তাইৰ ফালে চাই সুধিছিল, "আপুনি ধেমালি কৰিছে নেকি?!" তেওঁ উত্তৰ দিছিল, "নহয়, মই আপোনাক সঁচা কথাই কৈছো। উল্লেখ্য ব্ৰিটেইনৰ প্ৰধানমন্ত্ৰীৰ শাহুৱেক হ’লেও সুধা মূৰ্তিয়ে অি সহজ- সৰল জীৱন যাপন কৰে।

 সেয়ে প্ৰথম দৃষ্টি কোনেও ধাৰণা কৰিব নোৱাৰে যে তেওঁ চুনাকৰ শাহুৱেক। মূৰ্তিয়ে অনুষ্ঠানটোত কৈছিল " কোনেও বিশ্বাস কৰিবলৈ টান পাইছিল   যে মই এগৰাকী ৭২ বছৰীয়া সাধাৰণ মহিলাই ব্ৰিটেইনৰ প্ৰধানমন্ত্ৰীৰ শাহু হ'ব পাৰোঁ," শেহতীয়াকৈ দেশৰ তৃতীয় সৰ্বোচ্চ অসামৰিক বঁটা পদ্মভূষণ বঁটালাভ কৰা সুধা মূৰ্তিৰ উপৰি অনুষ্ঠানটোত   প্ৰযোজক গুনীত মঙ্গা আৰু অভিনেত্ৰী ৰবীনা টেণ্ডনেও যোগদান কৰিছিল।