ডিজিটেল ডেস্কঃ কৰ্ণাটক বিধানসভাৰ ফলাফল ঘোষণাৰ পিছতে বিজেপিক সমালোচনাত মুখৰ হৈ পৰিছে অৰুন্ধতী ৰায়। তেওঁ জনায় যে নিৰ্বাচনৰ ফলাফল ঘোষণাৰ আগনিশা টেনচনৰ বাবে তেওঁ শুবই পৰা নাছিল। কিন্তু ফলাফলে তেওঁক আনন্দ প্ৰদান কৰিছে।
দেওবাৰে কেৰালাৰ কোচিত ‘যুৱধৰা’ নামৰ সাহিত্য মহোৎসৱত অংশগ্ৰহণ কৰে বুকাৰ বঁটা বিজয়ী লেখিকাগৰাকীয়ে। তেওঁ কয় যে দক্ষিণ ভাৰতৰ আন এখন ৰাজ্য কেৰালাতো বিজেপিক সুযোগ দিয়া উচিত নহয়।
কিছুদিন পূৰ্বে মোডীয়ে কৰা কেৰালা ভ্ৰমণক লৈও সমালোচনা কৰে এইগৰাকী বিশিষ্ট সাহিত্যিকে। কেৰালাত বিজেপিক সুযোগ নিদিবলৈ তেওঁ গোহাৰি জনায়। তেওঁ কয় যে কেৰালাত যদি বিজেপিক সুযোগ দিয়া হয়, তেন্তে বিজেপিয়ে কেৰালা জ্বলাই দিব।
লগতে লেখিকাগৰাকীয়ে দেশৰ সংখ্যালঘু লোকৰ ওপৰত কৰা আক্ৰমণক গৰিহণা দিয়ে। তেওঁ মণিপুৰৰ ঘটনাৰ ওপৰতো আলোকপাত কৰে। কেৱল মণিপুৰতে নহয়, ছত্তীশগড় আৰু ঝাৰখণ্ডতো প্ৰতিদিনে খ্ৰীষ্টান সম্প্ৰদায়ক নিৰ্যাতন চলোৱা হৈছে বুলি তেওঁ দাবী কৰে। বুকাৰ বিজয়ী লেখকগৰাকীয়ে জনোৱা মতে, বিগত দুবছৰত দেশত ৩০০ৰো অধিক গীৰ্জাত আক্ৰমণ সংঘটিত হৈছে।
Continue Reading
