আপুনিও মূৰৰ বিষৰ দৰব খাই নেকি? ই স্বাস্থ্যৰ বাবে অতি বিপজ্জনক, জানো আহক

ডিজিটেল ডেস্ক : আমি প্ৰায় শুনা পাওঁ যে মূৰৰ বিষ হ’লেই বহু লোকে Disprinজাতীয় দৰব খায়। এই দৰববিধ প্ৰায় ১২৫ বছৰ আগতে বিকশিত কৰা এছপিৰিনৰ এটা পৰিৱৰ্তিত ৰূপ। মূৰৰ বিষত এই ঔষধ অতি ফলপ্ৰসূ বুলি বিশ্বাস কৰা হয়। কিন্তু আপুনি জানেনে যে এনেধৰণৰ দৰব সেৱনৰ ফলত শৰীৰত আৰু বহুতো পাৰ্শ্বক্ৰিয়া হ’ব পাৰে। এনেধৰণৰ দৰব দীৰ্ঘ সময় ধৰি সেৱন কৰিলে শৰীৰৰ বাবে বিপজ্জনক হ’ব পাৰে...জানো আহক।

 কেনেদৰে পাৰ্শ্বক্ৰিয়া কৰে?

Disprinজাতীয় দৰব তেজৰ বাবে অতি বিপদজনক। এই ঔষধ অতিমাত্ৰা ব্যৱহাৰ কৰিলে তেজ পাতল হ’ব পাৰে আৰু পাচনতন্ত্ৰতো ইয়াৰ প্ৰভাৱ পেলাব পাৰে। সেয়েহে ডাক্তৰৰ পৰামৰ্শ অবিহনে এনে দৰব গ্ৰহণৰ পৰা বিৰত থকা উচিত। আনহাতে, ব্ৰিটিছ হাৰ্ট ফাউণ্ডেশ্যনৰ চিকিৎসা সঞ্চালক অধ্যাপক পিটাৰৰ মতে দৈনিক এনে দৰব খোৱা লোকৰ পেটৰ বিষ, বমি আৰু বদহজমৰ দৰে সমস্যা অধিক হোৱা দেখা যায়।

কিছুমান ক্ষেত্ৰত উপকাৰী-

বিশ্বাস কৰা হয় যে এই দৰবে কেৱল মূৰৰ বিষ নিৰাময় কৰে... কিন্তু সেয়া নহয় ইয়াৰ গুণ... মূৰৰ বিষৰ উপৰি ই শৰীৰৰ অন্য স্থানৰ বিষ, হাৰ্ট এটেক, মাইগ্ৰেইন, ষ্ট্ৰোক আদি ৰোগ নিৰাময় কৰিব পাৰে। জ্বৰ আৰু ব্ৰণৰ চিকিৎসাতো চিকিৎসকৰ পৰামৰ্শ মতে এই ঔষধ সেৱন কৰা হয়। আচলতে ই এক প্ৰদাহহীন ঔষধ যিটো বিষ আৰু ফুলা কমোৱাৰ বাবেও ব্যৱহাৰ কৰা হয়। বহু সময়ত চিকিৎসকে হাৰ্ট এটেকৰ দৰে গুৰুতৰ ৰোগৰ মাজেৰে পাৰ হৈ যোৱা লোকসকলক এই ঔষধ ব্যৱহাৰ কৰিবলৈ পৰামৰ্শ দিয়ে।

প্ৰতিদিনে এই দৰব খোৱাৰ পৰা বিৰত থাকক-

এইবোৰ দৰব NSAIDৰ অধীনত আহে। যদি আপুনি এই ঔষধ নিয়মিতভাৱে খায় তেন্তে ই আপোনাৰ ৰক্তচাপ বৃদ্ধি কৰে। ইয়াৰ লগতে যদি গৰ্ভৱতী মহিলাই এই ঔষধ দৈনিক সেৱন কৰি আছে, তেন্তে ইয়াৰ গুৰুতৰ প্ৰভাৱ তেওঁলোকৰ শিশুৰ ওপৰতো পৰা দেখা যায়। যিসকল মহিলাই স্তনপান কৰাই আছে তেওঁলোকে এনেধৰণৰ দৰব গ্ৰহণ কৰা অনুচিত। আনহাতে যদি আপুনি হাঁপানী, ৰেইজ চিনড্ৰম আৰু গাউটৰ দৰে সমস্যাত ভুগি আছে, তেন্তে আপুনি কেৱল চিকিৎসকৰ পৰামৰ্শ অনুসৰিহেএনে দৰব গ্ৰহণ কৰিব লাগে।