ডিজিটেল ডেস্কঃ কেৱল টি-চাৰ্টভাঁজ কৰিয়েই বিশ্ব অভিলেখ গঢ়িলে এজন যুৱকে। এই কাম কৰি যুৱকজনে গিনিজ বুক অফ ৱৰ্ল্ড ৰেকৰ্ডছত নিজৰ নাম অন্তৰ্ভুক্ত কৰিবলৈ সক্ষম হৈছে।
কাপোৰ ভাঁজ কৰাটো একসাধাৰণ কথা। আপুনি কেতিয়াবা ভাবিছেনে যে এনে কৰি আপুনিও বিশ্ববিখ্যাত হ'ব পাৰে ? মাত্ৰ এক মিনিটত, ডেভিদ ৰাছ নামৰ যুৱজনে ৩১ টা টি-ছাৰ্ট ভাঁজ কৰি শ্বেল্ফত সজাই ৰাখি অভিলেখ গঢ়িলে।
এইক্ষেত্ৰত পূৰ্বৱৰ্তী ৰেকৰ্ড আছিল ২৩ টা টি-ছাৰ্ট। আমেৰিকাৰ যুৱকজনে সেই অভিলেখ ভংগ কৰিলে। এনে কামৰ বাবেই তেওঁৰ নাম গিনিজ বুক অফ ৱৰ্ল্ড ৰেকৰ্ডছত অন্তৰ্ভুক্ত কৰা হৈছে।
ডেভিদে কয় যে তেওঁ ১ মিনিটত সৰ্বাধিক টি-ছাৰ্ট ভাঁজ কৰাৰ বিশ্ব অভিলেখ গঢ়াৰ বাবে মন স্থিৰ কৰিছিল।
আমেৰিকা যুক্তৰাষ্ট্ৰৰ আইডাহোৰ বাসিন্দা ডেভিদে ২৫০ তকৈও অধিক বিশ্ব অভিলেখ গঢ়িছে!
কিন্তু এয়া কেৱল টি-ছাৰ্টৰ ভাঁজ কৰাই নহয়, তেওঁৰ বহু দিশৰ প্ৰতি আগ্ৰহ আছে। একেসময়তে ১৫০ ডাল মমবাতি জ্বলোৱা বা হাফ মাৰাথনত দৌৰা আদি তেওঁৰ প্ৰিয় অভিৰুচি।
Continue Reading
