ডিজিটেল ডেস্কঃ পুনৰ মৃত্যুদূত হৈ আহিছে কালান্তক কোভিড৷ শেহতীয়াকৈ চীনত কোভিডে সংহাৰৰ সৃষ্টি কৰিছে৷ দেশ খনত প্ৰতিদিনে কোভিডত আক্ৰান্ত হৈছে কমেও ৫ লাখ লোক৷ বিগত ২০ ডিচেম্বৰৰ পৰা এতিয়ালৈকে চীনত প্ৰায় ২৫ কোটি লোক কোভিডত আক্ৰান্ত হৈছে৷
দেশখনৰ স্বাস্থ্য বিভাগৰ এজন শীৰ্ষ বিষয়াই দাবী কৰিছে যে চীনৰ এখন চহৰৰ পৰা প্ৰতিদিনে ৫ লাখৰো অধিক লোক সংক্ৰমিত হৈ থকাৰ খবৰ আহিছে৷ অৱশ্যে চীনৰ চৰকাৰে কোভিড সংক্মণৰ প্ৰকৃত পৰিসংখ্যা লুকুৱাবলৈ চেষ্টা কৰা বুলি অভিযোগ উঠিছে৷ চীনৰ সংবাদ মাধ্যমৰ প্ৰতিবেদন অনুসৰি শুকুৰবাৰে কিংদাও চহৰত এদিনতে ৪,৯০,০ ৰ পৰা ৫,৫০,০০০ লোক কোভিড-১৯ ত সংক্ৰমিত হৈছে। এনে তথ্যই সূচায় যে কোভিডৰ তীব্ৰতা সেইখন দেশত কেনে স্তৰত উপনীত হৈছে। চীনা চহৰখনৰ জনসংখ্যা ১০ নিযুত। স্বাস্থ্য বিশেষজ্ঞসকলে আশংকা কৰিছে যে পৰৱৰ্তী সপ্তাহত চহৰখনত সংক্ৰমণৰ হাৰ ১০ শতাংশ বৃদ্ধি পাব পাৰে।
স্থানীয় সংবাদ মাধ্যমৰ প্ৰতিবেদন অনুসৰি চীনৰ চহৰসমূহত যিধৰণে সংক্ৰমণৰ হাৰ বৃদ্ধি পাইছে, চিকিৎসালয়সমূহে ৰোগী নিয়ন্ত্ৰণ কৰিবলৈ সংগ্ৰাম কৰি থাকিবলগীয়া হৈছে। চিকিৎসালয়ৰ আইচিইউ কোভিড ৰোগীৰে ভৰি পৰিছে। শ্মশানসমূহতো ভিৰ বাঢ়িছে৷ ইপিনে চীনৰ স্বাস্থ্য আয়োগে ইয়াৰ বুলেটিনত কৈছে যে যোৱা ২৪ ঘণ্টাত ৪,১৩০ টা কোভিডৰ নতুন ঘটনা ধৰা পৰিছে৷
জিয়াংছিত ১৮ হাজাৰ লোকক চিকিৎসালয়ত ভৰ্তি কৰোৱা হৈছে।
Continue Reading
