ৰাষ্ট্ৰপতি নিৰ্বাচনত বিজেপিক সমৰ্থন আজমলৰ! অসমৰ ৰাজনীতিৰ নতুন সমীকৰণ নেকি?

বিজেপি দলৰ নেতৃত্বই চল পালেই কৰ্টাক্ষ আৰু সমালোচনা কৰে এইআইইউডিএফক। আনকু মুখ্যমন্ত্ৰী হিমন্ত বিশ্ব শৰ্মাই এইআইইউডিএফৰ মুৰব্বী বদৰউদ্দিন আজমল অথবা দলটোক মোগলৰ লগত তুলনা কৰি অহা আমি সকলোৱে দেখি আহিছো। নিৰ্বাচন আহিলেই শৰাইঘাট যুদ্ধৰ কথা, যাক লৈ ভোট আদায় কৰি আহিছে বিজেপিয়ে। নিৰ্বাচন আহিলেই মিয়াৰ ভোট, এইআইইউডিএফৰ ভোট নালাগে বুলি দাংকোব মাৰে বিজেপিয়ে। আনকি হৈ যোৱা ৰাজ্যসভাৰ নিৰ্বাচনতো বিজেপি দলৰ একাংশ নেতা-কৰ্মীৰ লগতে খোদ মুখ্যমন্ত্ৰী হিমন্ত বিশ্ব শৰ্মাই কৈছিল এইআইইউডিএফৰ ভোট নালাগে বুলি। কিন্তু বিজেপিয়ে মুকলিকৈ ৰাজ্যসভাৰ নিৰ্বাচনত এইআইইউডিএফৰ ভোট নিবিচাৰিলেও হৈছিল ক্ৰছ ভোটিং, যাৰ ফলত সংখ্যা নাথাকিলেও ৰাজ্যসভাৰ নিৰ্বাচনত বিজয়ী হৈছিল বিজেপি মিত্ৰজোটৰ প্ৰাৰ্থী।

এইবাৰো ৰাষ্ট্ৰপতি নিৰ্বাচনত তাৰেই যেন পুনৰাবৃত্তি হোৱাৰ সম্ভাৱনা অধিক। কিয়নো কালি এনডিএ ৰাষ্ট্ৰপতি পদৰ প্ৰাৰ্থী দ্ৰুোপদী মূমুৰ হৈ ভোট বিছাৰি বদৰুদ্দিন আজমলৰ শৰণাপন্ন হয় খোদ হিমন্ত বিশ্ব শৰ্মাৰ মন্ত্ৰীসভাৰ সঞ্জয় কিষাণ, ৰূপজ্যোতি কুৰ্মীৰ লগতে ভোটভিক্ষা একাংশ মন্ত্ৰী-বিধায়কৰ। তেওঁলোকে আজমলক গামোচা পিন্ধাই ভোট ভিক্ষা খুজিলৈ বিজেপি প্ৰাৰ্থী গৰাকীৰ সপক্ষে ভোট দিবলৈ। ইফালে আজমলে কয় যে বিৰোধীৰ উমৈহতীয়া প্ৰাৰ্থীক ভোট প্ৰদান কৰিব এইআইইউডিএফে  

ভোট নালাগে বুলি কিয় এইআইইউডিএফৰ শৰাণাপন্ন হল বিজেপি

নিৰ্বাচনৰ প্ৰাক মুহুৰ্তত শাসকীয় দলৰ এনে গতি-বিধি চাই, এইবাৰো ৰাষ্ট্ৰপতি নিৰ্বাচনত ক্ৰছ ভোটিংঙৰ আশংকা অধিক ঘনীভূত হৈছে। পুনৰ হয়তো এইবাৰো ৰাষ্ট্ৰপতি নিৰ্বাচনত এইআইইউডিএফৰ প্ৰাৰ্থীসকলে ভোট প্ৰদান কৰিব বিজেপি ৰাষ্ট্ৰপতি প্ৰাৰ্থীগৰাকীৰ সপক্ষে।