পাকিস্তানৰ ৪খন অশান্ত প্ৰদেশক খণ্ড খণ্ড কৰাৰ পৰিকল্পনা আছিম মুনিৰৰ

ডিজিটেল ডেস্ক: পাকিস্তানৰ সামৰিক বাহিনীৰ মুৰব্বী ফিল্ড মাৰ্শ্বাল আছিম মুনিৰ ক্ৰমাৎ দেশখনৰ সৰ্বময়কৰ্তা হৈ পৰিছে। শেহতীয়াভাৱে তেওঁ দেশখনত বিভাজনৰ নীতিৰে খণ্ড-বিখণ্ড কৰি শাসনৰ পৰিকল্পনা গ্রহণ কৰিছে।

সাধাৰণতে ৰাষ্ট্ৰপতি, প্রধানমন্ত্রী দেশৰ শাসন ব্যৱস্থাৰ মূল ব্যক্তি হয় যদিও পাকিস্তানত এতিয়া সেনা প্রধান মুনিৰৰ কথাই আইন হিচাপে বিবেচিত হয়। দেশখনৰ চাৰিখন মূল প্রশাসনিক প্রদেশ পঞ্জাব, সিন্ধু, খাইবাৰ পাখতুনখোৱা আৰু বেলুচিস্তানক শতাধিক খণ্ড খণ্ড ভাগত বিভক্ত কৰাৰ পৰিকল্পনা কৰিছে। 

উল্লেখযোগ্য যে এই চাৰিখন প্রদেশত ১৯৪৭ চনত দেশখনৰ জন্মৰ সময়ৰ পৰা কোনোধৰণৰ সালসলনি হোৱা নাছিল। পঞ্জাব হৈছে সর্বাধিক জনসংখ্যাৰ প্ৰদেশ, য'ত প্রায় ১২৮ নিযুত লোকে বাস কৰে। আনহাতে, বেলুচিস্তান হৈছে আটাইতকৈ কম জনসংখ্যাৰ প্ৰদেশ। ৰাজনৈতিক বিশেষজ্ঞসকলে প্রকাশ কৰিছে যে ভাগ ভাগ কৰি শাসন কৰিব বিচাৰিলে অৰাজকতাৰহে সৃষ্টি হ'ব। কিন্তু দেশখনৰ স্বৈৰাচাৰী সেনা প্রধান মুনিৰে সকলো উপদেশ নস্যাৎ কৰি এই চাৰি প্ৰদেশক শতাধিক ভাগত ভাগ কৰাৰ সিদ্ধান্ত লৈছে। 

মুনিৰে দাবী কৰিছে যে এই প্রদেশকেইখন শাসনৰ ক্ষেত্ৰত ইয়াৰ বৃহৎ আকাৰে সমস্যাৰ সৃষ্টি কৰিছে। অর্থাৎ লাহে লাহে এই অঞ্চলকেইটাত মুনিৰে নিজৰ শাসন প্ৰৱৰ্তনৰ যো-জা কৰিছে। ইফালে, ভাৰতৰ লগতো শত্রুতাপূর্ণ সম্পর্কই বৰ্তাই ৰাখিব বিচাৰে সেনা প্রধান মুনিৰে।

উৎস: দৈনিক জনমভূমি