ডিজিটেল ডেস্কঃ কলকাতাত অনুষ্ঠিত দুর্গাপুৰ আন্তর্জাতিক চলচ্চিত্র মহোৎসৱত পাঁচটা বঁটাৰে উজলি উঠিল অসমীয়া চলচ্চিত্র 'বোর্খা-দ্য ভেইল'। কলকাতাত সামৰণি অনুষ্ঠানত এই মহোৎসৱৰ বঁটাসমূহ বিতৰণ কৰা হয়। দুর্গাপুৰ আন্তর্জাতিক চলচ্চিত্র মহোৎসৱত 'বোর্খা-দ্য ভেইল'-এ শ্রেষ্ঠ চলচ্চিত্র হিচাপে পুৰস্কৃত হয়।
লগতে হীৰেন বৰাই শ্ৰেষ্ঠ পৰিচালক, যতীন খনিকৰে শ্রেষ্ঠ অভিনেতা, ৰ'দালি বৰাই শ্রেষ্ঠ অভিনেত্ৰী আৰু পাপু ডেকাই শ্রেষ্ঠ চিনেমাটোগ্ৰাফাৰ হিচাপে সন্মানিত হৈ অসমলৈ সুনাম কঢ়িয়াই আনে।
কলকাতাত অনুষ্ঠিত এই চলচ্চিত্র মহোৎসৱত 'বোর্খা-দ্য ভেইল' চলচ্চিত্ৰখনে জুৰি আৰু দৰ্শকৰ সাধুবাদ পোৱাত পৰিচালক বৰা অত্যন্ত সুখী। উল্লেখযোগ্য যে ইয়াৰ পূৰ্বে হীৰেন বৰাই পৰিচালনা কৰা 'বোর্খা-দ্য ভেইল' ইতিমধ্যে কলকাতা আন্তঃৰাষ্ট্ৰীয় চলচ্চিত্র মহোৎসৱত তিনিটা দর্শনীত প্রদর্শিত হৈছিল।
জয়পুৰ আন্তঃৰাষ্ট্ৰীয় চলচ্চিত্র মহোৎসৱ, থার্ড আই এছিয়ান চলচ্চিত্র মহোৎসৱ, আহমেদাবাদ আন্তঃৰাষ্ট্ৰীয় চলচ্চিত্র মহোৎসৱ, এছিয়ান টেলেন্ট আন্তঃৰাষ্ট্ৰীয় চলচ্চিত্র মহোৎসৱত প্রদর্শিত হোৱাৰ লগতে শ্রেষ্ঠ শিশু ছবিৰ জুৰিৰ বিশেষ বঁটাৰে পুৰস্কৃত হৈছে।
দাদা চাহেব ফাল্কে আন্তর্জাতিক চলচ্চিত্র মহোৎসৱত প্ৰদৰ্শনৰ বাবেও নির্বাচিত হৈছিল।
উৎসঃ দৈনিক জনমভূমি
Continue Reading
