ডিজিটেল ডেস্কঃ দেওবাৰে পুৱা সাত বজাত পৰ্তুগালৰ সৰু পাহাৰীয়া চহৰখনৰ বাসিন্দাসকলে দুৱাৰ খুলিয়েই চকু থৰ হৈ পৰিল! ৰাস্তা ক'ত? ৰাস্তাৰে কেৱল ৰঙা মদ বৈ আছে। ছ’চিয়েল মিডিয়া এক্স (পূৰ্বৰ টুইটাৰ)ত এই ছবি দেখি মানুহে স্তম্ভিত হৈ পৰিল।
জনা যায় যে পৰ্তুগালৰ উপকূলৰ এখন সৰু গ্ৰাম্য চহৰ লেভিৰাৰ এখন ৱাইনাৰীৰ টেংকত ২২ লাখ লিটাৰ ৰেড ৱাইন জমা হৈছিল। কেনেবাকৈ সেই টেংকটো শনিবাৰে নিশা ফাটি গ’ল। ইয়াৰ পিছত ২২ লাখ লিটাৰ ৰেড ৱাইন ৰাস্তাৰে বৈ যায়। কিছুমান মানুহে ৰাস্তাৰ পৰাই ৰেড ৱাইন আনি খাবলৈ ধৰে।
আমেৰিকাৰ বাতৰি কাকত নিউয়ৰ্ক পোষ্টৰ প্ৰতিবেদনত দাবী কৰা হৈছে যে ৰাস্তাত যিমান পৰিমাণৰ মদ বৈ গৈছে, তাৰে অলিম্পিকৰ এটা চুইমিং পুল ভৰ্তি হৈ যাব। এই ঘটনাৰ বাবে ৰাজহুৱাভাৱে ক্ষমা বিচাৰিছে লেভিৰা ডিষ্টিলেৰীয়ে। মদৰ সোঁতটো যাতে কাষৰ চেৰটিমা নদীৰ লগত মিহলি নহয় তাৰ বাবে বিশেষ ব্যৱস্থা কৰা হৈছে। লেভিৰা ডিষ্টিলেৰীয়ে কয় যে তেওঁলোকেও যিকোনো ক্ষতিৰ ক্ষতিপূৰণ দিবলৈ ইচ্ছুক।
Continue Reading
