ডিজিটেল ডেস্কঃ আমেৰিকাৰ টেক্সাছত ছটাকৈ গৰু একেলগে ৰহস্যজনকভাৱে মৃত্যুবৰণ কৰিছে। চহৰৰ বিভিন্ন প্ৰান্তত গৰুবিলাকৰ মৃতদেহ দেখিবলৈ পোৱা গৈছে। প্ৰতিটো গৰুৰ জিভা কোনোবাই ফালি পেলাইছে। চকুও কাটি পেলোৱা হৈছে। কিন্তু গৰুবোৰৰ শৰীৰৰ পৰা কোনো ৰক্তক্ষৰণ হোৱা দেখা পোৱা নাই। সেইবাবেই সৃষ্টি হৈছে ৰহস্যৰ।
এইদৰে ছটাকৈ গৰুৰ ৰহস্যজনক মৃত্যু দেখি স্থানীয় প্ৰশাসন স্তম্ভিত হৈ পৰে। টেক্সাছৰ আৰক্ষীয়ে মৃতদেহসমূহ পৰীক্ষা কৰি মৃত্যুৰ কাৰণ নিৰ্ণয় কৰাৰ চেষ্টা চলাইছে। কোৱা হয় যে মৃত্যুৰ সময়ত কোনো ধৰণৰ মাৰধৰ হোৱাৰ কোনো প্ৰমাণ নাই। গৰুকেইটা চৰি থকা ঠাইৰ ঘাঁহবোৰতো কোনো মাৰধৰ বা যুঁজ বাগৰৰ লক্ষণ দেখা পোৱা নগ’ল। তাত কোনো ভৰিৰ ছাপো পোৱা নগ’ল।
বিশেষজ্ঞসকলে অনুমান কছে যে দক্ষ অস্ত্ৰোপচাৰৰ জৰিয়তে গৰুৰ জিভা কাটি পেলোৱা হৈছে। সেইবাবেই গৰুকেইটা মৃত্যুমুখত পৰিল। গোটেই প্ৰক্ৰিয়াটোত কোনো বিসংগতি ৰখা হোৱা নাই।
আৰক্ষীৰ সূত্ৰ অনুসৰি ৬টা মৃত গৰু বিভিন্ন জাতৰ। তদন্তকাৰীয়ে লগতে জনোৱা মতে, দুটা গৰুৰ ক্ষেত্ৰত পিঠিৰ চাৰিওফালে ছাল কাটি মলদ্বাৰ আৰু যৌনাংগ বাহিৰ কৰা হৈছে।
তাৎপৰ্যপূৰ্ণভাৱে এই গৰুবোৰৰ মৃতদেহ পথৰ দাঁতিত পৰি আছিল। কিন্তু গৰুৰ মৃতদেহবোৰৰ ওচৰলৈ আন কোনো জন্তু বা চৰাই নাহিল। সেই লৈও ৰহস্যৰ সৃষ্টি হৈছে। এই সন্দৰ্ভত কোনো লোকৰ হাতত কোনো তথ্য থাকিলে আৰক্ষীৰ সৈতে যোগাযোগ কৰিবলৈও অনুৰোধ জনোৱা হৈছে।
Continue Reading
