ডিজিটেল ডেস্কঃ ড্ৰাগছ সৰবৰাহৰ অপৰাধত ছিংগাপুৰত মৃত্যুদণ্ড বিহা হৈছে এজন ভাৰতীয় মূলৰ লোকক। ৪৬ বছৰীয়া টাংগাৰাজু চুপ্পাইয়া নামৰ এই লোকজনক ২০১৮ চনত ড্ৰাগছ সৰবৰাহৰ অপৰাধত দোষী সাব্যষ্ট কৰা হৈছিল। তাৰপাছতে মৃত্যুদণ্ড বিহা হয়। বুধবাৰে তেওঁৰ মৃত্যুদণ্ড কাৰ্যকৰী কৰাৰ কথা।
দেওবাৰে টাংগাৰাজৰ পৰিয়ালে ছিংগাপুৰ কৰ্তৃপক্ষৰ পৰা ক্ষমা বিচাৰি ৰায়টোৰ পুনৰ বিচাৰৰ আহ্বান জনায়। কিন্তু আদালতে মৃত্যুদণ্ডৰ শাস্তি বাহাল ৰাখিছে।
টাংগাৰাজু এগৰাকী তামিল লোক। তেওঁৰ ভগ্নী লীলাৱতী চুপ্পাইয়াই সাংবাদিকৰ আগত কয়- “আমি নাভাবো যে মোৰ ভাইটিৰ ন্যায়সংগত বিচাৰ হৈছে।’’
উল্লেখ্য যে ২০১৭ চনত টাংগাৰাজুক এক কিলোগ্ৰাম ভাং সৰবৰাহৰ গোচৰত দোষী সাব্যস্ত কৰা হৈছিল। দেশখনৰ কঠোৰ ড্ৰাগছ আইন অনুসৰি মৃত্যুদণ্ডৰ নূন্যতম শাস্তিৰ পৰিমাণৰ দুগুণ আছিল এইখিনি ভাং।
মানৱ অধিকাৰ কৰ্মীসকলেও ইয়াৰ প্ৰতিক্ৰিয়া প্ৰকাশ কৰিছে। তেওঁলোকে কৈছে যে এই গোচৰত বহু সুৰুঙা আছে আৰু টাংগাৰাজুৱে কেতিয়াও ড্ৰাগছ ব্যৱহাৰ কৰা নাছিল।
Continue Reading
