ডিজিটেল ডেস্কঃ প্ৰায় তিনি ঘণ্টাৰ পথ। কিন্তু পলম হ’লে নহ’ব। কন্যাক সময়মতে ঘৰলৈ নিব লাগে। গতিকে দেউতাকে এখন বিমানকে ভাড়া কৰিলে। তিনি ঘণ্টা যাত্ৰাৰ সলনি মাত্ৰ ৫০ মিনিট সময় লাগিল ঘৰ পাওঁতে।
চীনৰ আনহুই প্ৰদেশত সংঘটিত হৈছে এই ঘটনা। চীনৰ সংবাদ মাধ্যমৰ বাতৰি অনুসৰি লোকজনৰ নাম ৱাং। শেহতীয়াকৈ তেওঁ লুনাৰ নিউ ইয়েৰ উপলক্ষে নিজৰ কন্যাক ঘৰলৈ পঠিয়াইছিল। কিন্তু উৎসৱৰ বাবেই ৰাজপথত যান-জঁটৰ সম্ভাৱনা আছিল। গাড়ীৰে গন্তব্য স্থান পাবলৈ দেৰি হ’লহেঁতেন৷ কন্যাৰ উৎসৱ উদযাপনত কোনো পলম হোৱাটো বিচৰা নাছিল পিতৃয়ে। সেয়ে জীয়েকৰ যাত্ৰাৰ বাবে এখন বিমানকে ভাড়াত লৈছিল।
ৱাঙে নিজৰ সাত বছৰীয়া ছোৱালীজনী ঘৰলৈ যাবলৈ এখন সৰু বিমান ভাড়া কৰি লৈছিল। ইয়াত দুজন মানুহৰ বাবে বহিব পৰা ঠাই আছিল। তেওঁ কয় যে তেওঁ বিমানখন ভাড়াত দিবলৈ ১১ লাখ ইউয়ান (ভাৰতীয় মুদ্ৰাত প্ৰায় ১ কোটি ২৯ লাখ টকা) খৰচ কৰিছিল। ভৰপূৰ ইন্ধনৰ টেংকত এই বিমানখনে ১২০০ কিলোমিটাৰ যাত্ৰা কৰিব পাৰে। ৱাঙে লগতে কয় যে এই বিমানখনে তেওঁক কমেও দুঘণ্টা ৰক্ষা কৰিলে।
সমগ্ৰ চীনত চন্দ্ৰ নৱবৰ্ষৰ উৎসৱমুখৰ আমেজ। বহু লোকে নিজৰ আপোনজনৰ সৈতে মিলি এই উৎসৱ উদযাপন কৰিবলৈ দেশৰ ইমূৰৰ পৰা আনটো মূৰলৈ পাৰ হৈ আহিছে। বাঢ়িছে পথ যাতায়ত। লগতে যান-জঁটৰ সৃষ্টি হৈছে। গ্ল’বেল টাইমছৰ তথ্য অনুসৰি যাত্ৰীৰ চাহিদাৰ প্ৰতি লক্ষ্য ৰাখি সমগ্ৰ চীনত এদিনতে ১৮৭৩খন অতিৰিক্ত যাত্ৰীবাহী ৰে’ল চলোৱা হৈছে। ৱাঙে কন্যাক ঘৰলৈ আনিবলৈ বিমান চাৰ্টাৰ কৰিছিল।
Continue Reading
