ডিজিটেল ডেস্কঃ গছত ফল-ফুল লগা শুনিছে কিন্তু কেতিয়াবা শুনিছেনে গছত চকী লগা। আচৰিত লাগিছে নহয়নে। আপুনি আচৰিত হলেও প্ৰকৃতিয়ে কিন্তু সঁচাকৈয়ে এনেকুৱা এজোপা গছ সৃষ্টি কৰিছে, যি গছত লাগে চকী। আমি কাঠৰ চকী দেখিছো বা অন্য ধাতুৰ চকী দেখিছো যি চকী কাৰিকৰে তৈয়াৰ কৰে। কিন্তু এইজোপা গছে নিজে নিজে সৃষ্টি কৰে চকী। ইংলেণ্ডত পোৱা যায় এই আচৰিত গছজোপা। গছজোপাৰ নাম উইলো। এই গছৰ ডালবোৰ যথেষ্ট নমনীয় আৰু বক্ৰ। গছৰ ডালবোৰ বাঢ়ি অহাৰ লগে লগে ই চকী এখনৰ আকাৰ লয়। এই গছৰ চকীবোৰ যথেষ্ট আৰামদায়ক আৰু কাৰখানাত বনোৱা চকীতকৈ অধিক আৰাম দিয়ে।
ইংলেণ্ডৰ ডাৰ্বিশায়াৰ ডিলচ চহৰত বাস কৰা গেভিন মুনৰো নামৰ এজন ব্যক্তিয়ে চকী গজোৱা গছজোপাক লৈ এক সুন্দৰ ব্যৱসায় কৰি আছে। গেভিন মুনৰোয়ে চকী বনাবলৈ এটা লোৰ ফ্ৰেম ব্যৱহাৰ কৰে আৰু সেই ফ্ৰেমৰ ভিতৰত গছৰ ডালবোৰ খাপ খায় পৰি অধিক সুন্দৰ আকৃতিৰ চকী গঢ় লয়। গছজোপাত এখন চকী গঢ় লবলৈ সাতৰ পৰা ন বছৰ সময় লাগে। গতিকে গেভিনে কয় যে যদি কোনোবাই চকী এখন অৰ্ডাৰ দিব লগা হয়, তেন্তে তেওঁ এতিয়াৰ পৰা প্ৰায় ৮ বছৰ অপেক্ষা কৰিব লাগিব।।
উইলো গছৰ এখন চকীৰ মূল্য ৪ লাখৰ পৰা ৪.৫০ লাখ টকা। উইলোৰ গছ পাঁচ বছৰৰ বাবে কোনো বাধা অবিহনে সাধাৰণ ধৰণে বাঢ়ে। ইয়াৰ পিছত গছৰ বিকাশ নিয়ন্ত্ৰণ কৰিবলৈ কাটি দিয়া হয়। ইয়াৰ পাছত নতুন ডাল ওলাবলৈ আৰম্ভ কৰে, যাক চকীলৈ ৰূপান্তৰ কৰা হয়।
