ৰাতিটোৰ ভিতৰতে সৌভাগ্যৰ চকৰি ঘূৰিলে এজন লোকৰ। পশ্চিমবংগৰ দক্ষিণ ২৪ পৰগনাৰ মন্দিৰবজাৰৰ মুলদিয়া অঞ্চলৰ বাসিন্দা লোকনাথ মণ্ডলে লটাৰীত জিকে এক কোটি টকা। লোকনাথ পেছাত এজন দৰ্জী। তেওঁৰ এখন দোকান আছে। কিন্তু মহামাৰী ক'ৰনাৰ পাছত তেওঁৰ ব্যৱসায় আগৰ দৰে নোহোৱা হ'ল

Listen to Article

2 min read

80%

ডিজিটেল ডেস্কঃ ৰাতিটোৰ ভিতৰতে সৌভাগ্যৰ চকৰি ঘূৰিলে এজন লোকৰ। পশ্চিমবংগৰ দক্ষিণ ২৪ পৰগনাৰ মন্দিৰবজাৰৰ মুলদিয়া অঞ্চলৰ বাসিন্দা লোকনাথ মণ্ডলে লটাৰীত জিকে এক কোটি টকা। লোকনাথ পেছাত এজন দৰ্জী। তেওঁৰ এখন দোকান আছে। কিন্তু মহামাৰী ক'ৰনাৰ পাছত তেওঁৰ ব্যৱসায় আগৰ দৰে নোহোৱা হ'ল।

লোকনাথে প্ৰায়ে লটাৰীৰ টিকট কিনিছিল এই আশাত যে তেওঁৰ ভাগ্য সলনি হ'ব। শুকুৰবাৰে বিয়লিও তেওঁ একেধৰণৰ টিকট কিনিছিল। কিন্তু নিশা লটাৰীৰ ফলাফল ঘোষণা কৰাৰ পাছতো লোকনাথে বিশ্বাস কৰিব পৰা নাছিল যে এনেদৰে সপোন বাস্তৱায়িত হ’ব। তেতিয়া ঘড়ীত ৰাতি ৮ বাজিছিল। ফলাফল ঘোষণাৰ পিছতে হতভম্ব হৈ পৰে লোকনাথ। সম্বিত ঘূৰি অহাৰ লগে লগে তেওঁ পোনে পোনে মন্দিৰবজাৰ থানালৈ ৰাওণা হয়। পুলিচ কেইজনক সেই খবৰ দি তেওঁ ঘৰলৈ উভতি আহে।

লোকনাথ কোটিপতি হোৱাৰ খবৰটো অঞ্চলটোত বিয়পিবলৈ বেছি সময় নালাগিল। ক্ষন্তেকতে গোটেই গোটেই অঞ্চলটোত উন্মাদনা বিয়পি পৰিল। লোকনাথ থানালৈ যোৱাৰ সময়ত তেওঁৰ ওচৰ-চুবুৰীয়া সকলো তেওঁৰ পিছে পিছে গৈছিল। লোকনাথে কৈছিল, "মোৰ ঘৰত এগৰাকী পত্নী, সৰু ছোৱালী আৰু মা-দেউতা আছে।" মোৰ পৰিয়ালটো দুখীয়া। এতিয়া আশাৰ ৰেঙণি দেখিছোঁ।”

কিন্তু এই টকাৰে কি কৰিব লোকনাথে? আৱেগক ধৰি ৰাখিব নোৱাৰি তেওঁ কান্দি কান্দি ক'লে, "বহু বেয়া সময় পাৰ হৈ গ'ল। মূৰৰ ওপৰত চালি এখনো বনাব পৰা নাছিলো। এইবাৰ সেই সপোন বাস্তৱায়িত হব। মই মোৰ ছোৱালীজনীক ভালকৈ পঢ়া-শুনা কৰোৱাম।"