ডিজিটেল ডেস্ক: কাৰাগাৰত বন্দী আম আদমী পাৰ্টিৰ নেতা মনীষ চিছোদিয়া আৰু সত্যেন্দ্ৰ জৈনে কাৰামুক্তি হোৱাৰ পাছত পুনৰ দিয়া হ’ব শিক্ষা আৰু স্বাস্থ্য বিভাগৰ দায়িত্ব৷ এই ঘোষণা দিল্লীৰ নতুন শিক্ষামন্ত্ৰী আতিশী মাৰ্লেনাৰ৷ মাৰ্লেনাই কয়, স্বাস্থ্য আৰু শিক্ষামন্ত্ৰী হিচাপে সত্যেন্দ্ৰ জৈন আৰু মনীষ চিছোদিয়াই দিল্লীত বিপ্লৱ সাধন কৰিছিল৷ ভগৱান ৰাম যেতিয়া নিৰ্বাসিত হৈছিল তেতিয়া তেওঁৰ ভাতৃ ভাৰতে ৰাজ্যখন চম্ভালিছিল৷ আমিও তেনেদৰেই কাম কৰিম৷
আতিশীয়ে লগতে কয়, যেতিয়া তেওঁলোক কাৰাগাৰৰ পৰা উভতি আহিব তেওঁলোকে তেওঁলোকৰ মন্ত্ৰণালয়ৰ দায়িত্ব ওভতাই ল’ব৷
ইফালে, যমুনা পৰিষ্কৰণ সন্দৰ্ভত মন্তব্য কৰি মন্ত্ৰীজনে কয়, আমি লেফটেনেণ্ট গৱৰ্ণৰৰ কাৰ্যালয়ৰ পৰা সহযোগিতা বিচাৰো। আমি বিচাৰো যে তেওঁ কামটো হ'বলৈ দিয়ক। তেওঁ আমাক বাধা দি আছিল কিন্তু আমি কাম কৰি আছিলোঁ। তেওঁলোকৰ ফালৰ পৰা সকলো বাধা ৰখা সত্বেও আমি আমাৰ কাম কৰি আছিলোঁ।
আনহাতে, কেন্দ্ৰই যিধৰণে দিল্লী চৰকাৰক আক্ৰমণ কৰি আছে, ইতিহাসত কেতিয়াও এনেধৰণৰ আক্ৰমণ হোৱা নাই বুলি তেওঁ উল্লেখ কৰে৷
Continue Reading
