আয়ুৰ্বেদিক মালিচ দিবলৈ আহি হোটেলত বিদেশী যুৱতীক ধৰ্ষণ ভাৰতীয় যুৱকৰ

ডিজিটেল ডেস্কঃ ৰাজস্থানৰ জয়পুৰত সংঘটিত হৈছে এক অঘটন। আয়ুৰ্বেদিক মালিচ দিবলৈ আহি জয়পুৰৰ জবনেছ বাগৰ নামৰ হোটেলত নেডাৰলেণ্ডৰ যুৱতীক ধৰ্ষণ কৰিলে কেৰালাৰ এজন যুৱকে। নেডাৰলেণ্ডৰ যুৱতীগৰাকী ৰাজস্থান ভ্ৰমণ কৰিবলৈ আহিছিল। ৩১ বছৰীয়া যুৱতীগৰাকীয়ে বিজু মুৰুলীধৰণ নামৰ এজন যুৱকক আয়ুৰ্বেদিক মালিচৰ বাবে ফোন কৰাৰ পাছতে যুৱকজনে হোটেললৈ আহি যুৱতীগৰাকী ধৰ্ষণ কৰে। যুৱতীগৰাকীৰ অভিযোগৰ ভিত্তিত সিন্ধি শিবিৰ আৰক্ষী থানাত ধৰ্ষণৰ এটা গোচৰ ৰুজু কৰা হৈছে। অভিযোগৰ চাৰি ঘণ্টাৰ ভিতৰতে কেৰালাৰ বাসিন্দা অভিযুক্ত ধৰ্ষণকাৰীজনক গ্ৰেপ্তাৰ কৰা হৈছে। জানিব পৰা গৈছে যে বিজু মুৰুলীধৰণে জয়পুৰৰ খাতিপুৰা অঞ্চলৰ এটা ভাড়াঘৰত থাকে আৰু জয়পুৰৰ বিভিন্ন গ্ৰাহকক আয়ুৰ্বেদিক মালিচ প্ৰদান কৰে। ইতিমধ্যে যুৱতীগৰাকীৰ স্বাস্থ্য পৰীক্ষা সম্পন্ন হৈছে আৰু ধৰ্ষণৰ অভিযোগ সন্দৰ্ভত অভিযুক্ত বিজু মুৰুলীধৰণক সোধ-পোছ অব্যাহত ৰাখিছে। বিজু মুৰুলীধৰণৰ প্ৰকৃত ঘৰ কেৰালাত। ঘটনাটোৰ পিছত জয়পুৰৰ পৰা পলাই কেৰালালৈ পলাই যাবলৈ চেষ্টা কৰি আছিল যুৱকজনে। আৰক্ষীয়ে বৰ্তমান অভিযুক্তজনক জেৰা কৰি আছে। আৰু পঢ়কঃ পৰিচালক গিৰিশ মালিকৰ ঘৰত কান্দোনৰ ৰোল! হোলীৰ দিনা ১৭ বছৰীয়া পুত্ৰৰ আকস্মিক মৃত্যু