ডিজিটেল ডেস্কঃ ব্ৰাজিলিয়ান ফুটবলাৰ নেইমাৰৰ প্ৰেমিকা আৰু কন্যা শিশুক বন্দুকধাৰীয়ে অপহৰণ কৰাৰ চেষ্টা চলোৱাৰ খবৰে প্ৰতিক্ৰিয়াৰ সৃষ্টি কৰিছে। জানিব পৰা মতে দুৰ্বৃত্তৰ এটা দলে নেইমাৰৰ প্ৰেমিকা ব্ৰুনাৰ ঘৰত প্ৰৱেশ কৰিছিল । ব্ৰুনা আৰু তেওঁলোকৰ কন্যা শিশুটি সেই সময়ত ঘৰত নাছিল। দুৰ্বৃত্তই ব্ৰুনাৰ পিতৃ আৰু মাতৃৰ হাত - ভৰি বান্ধি পেলাইছিল। ব্ৰাজিলৰ আৰক্ষীয়ে ঘটনা সন্দৰ্ভত তদন্ত আৰম্ভ কৰিছে আৰু এজন সন্দেহজনক লোকক গ্ৰেপ্তাৰ কৰিছে।
গ্ৰেপ্তাৰ কৰা লোকজন ব্ৰুনাৰ ঘৰৰ ওচৰতে থাকে। অভিযুক্ত ব্যক্তিজনে দুৰ্বৃত্তসকলক ডকাইতি কৰাত সহায় কৰিছিল বুলি জানিব পৰা গৈছে। প্ৰাথমিক অনুসন্ধানত জানিব পৰা মতে যে ডকাইতিৰ কেইঘণ্টামান আগতে তিনিজন অচিনাক্ত ব্যক্তিয়ে ব্ৰুনাৰ ঘৰৰ ওচৰত খোজকাঢ়ি আছিল। ব্ৰাজিলৰ আৰক্ষীয়ে ঘটনাটোত জড়িত আন সন্দেহজনক লোকসকলক বিচাৰি আছে। দুৰ্বৃত্তই দামী ঘড়ী আৰু গহনা আদি লুটিলৈ গৈছে। চুবুৰীয়াসকলে পিছত ঘটনাটো ব্ৰাজিলৰ আৰক্ষীক জনায়। অৱশ্যে নেইমাৰে এই ঘটনা সন্দৰ্ভত কোনো মন্তব্য দিয়া নাই।
উল্লেখ্য কিছুদিন পূৰ্বে পুনৰ পিতৃ হৈছিল নেইমাৰ জুনিয়ৰ ।কন্যা সন্তানৰ পিতৃ হৈছিল নেইমাৰ । খেলুৱৈগৰাকীয়ে নৱজাতকৰ এখন ফটোও সামাজিক মাধ্যমত পোষ্ট কৰিছিল।নেইমাৰ জুনিয়ৰে লিখিছিল, "মাভি আমাৰ জীৱন ভৰাই তুলিবলৈ আহিছে। তোমাক স্বাগতম, কন্যা। মই তোমাক বহুত ভালপাওঁ। আমাক বাছনি কৰাৰ বাবে ধন্যবাদ।’’ নেইমাৰ জুনিয়ৰ আৰু তেওঁৰ প্ৰেমিকা ব্ৰুনাৰ অন্তৰত এতিয়া আনন্দৰ লহৰ বৈ গৈছে।
আল হিলালৰ ষ্ট্ৰাইকাৰজনে ব্ৰুনাৰ সৈতে দীৰ্ঘদিন ধৰি প্ৰেমৰ সম্পৰ্ক বজাই ৰাখিছে। কিন্তু সেই কথা তেওঁলোকে গোপন ৰাখিছিল। অৱশ্যে যোৱা বছৰ খেলুৱৈগৰাকীয়ে তেওঁৰ প্ৰেমিকাৰ সৈতে ইনষ্টাগ্ৰামত এখন ফটো পোষ্ট কৰিছিল। তেতিয়াই জনা গৈছিল যে নেইমাৰে ব্ৰুনাৰ প্ৰেমত ডুব গৈ আছে। নেইমাৰে ব্ৰুনাৰ সন্তানৰ পিতৃ হোৱাৰ খবৰো নিজেই প্ৰকাশ কৰিছিল।
Continue Reading
