ডিজিটেল ডেস্ক: বালাছ’ৰৰ ৰে’ল দুৰ্ঘটনাক লৈ উদ্বিগ্ন প্ৰধানমন্ত্ৰী নৰেন্দ্ৰ মোদী। দুৰ্ঘটনাটোত ৰে’লযাত্ৰীৰ মৃত্যুত গভীৰ শোক প্ৰকাশ কৰে প্ৰধানমন্ত্ৰীয়ে।
প্ৰথমতে দিল্লীৰ কাৰ্যালয়ৰ পৰাই দুৰ্ঘটনাৰ উদ্ধাৰ অভিযানৰ বুজ লয় প্ৰধানমন্ত্ৰীগৰাকীয়ে। শুকুৰবাৰে বিয়লিলৈ প্রধানমন্ত্ৰী নৰেন্দ্ৰ মোদীয়ে পৰিদৰ্শন কৰে দুৰ্ঘটনাস্থলী।
হেলিকপ্টাৰেৰে দুৰ্ঘটনাস্থলীত উপস্থিত হয় প্ৰধানমন্ত্ৰী মোদী। মোদীৰ সৈতে আছিল ৰে’লমন্ত্ৰী অশ্বিনী বৈষ্ণৱ। দুৰ্ঘটনাস্থলীত উপস্থিত হৈ প্রধানমন্ত্ৰী মোদীয়ে বুজ লয় দুৰ্ঘটনাটোৰ প্ৰতিটো দিশ। ইয়াৰ পাছত আঘাতপ্ৰাপ্তসকলক স্বাস্থ্যৰ বুজ ল’বলৈ চিকিৎসালয়লৈ যায় প্ৰধানমন্ত্ৰী মোদী। হাস্পতালত আঘাতপ্ৰাপ্ত লোকসকলৰ সৈতে বাৰ্তালাপো কৰে প্ৰধানমন্ত্ৰীগৰাকীয়ে।
আঘাতপ্ৰাপ্তসকলৰ প্ৰয়োজনীয় চিকিৎসা নিয়াৰিকৈ কৰিবলৈ চিকিৎসকসকলক আহ্বান জনায় মোদীয়ে। আনহাতে ৰে’ল দুৰ্ঘটনাটোৰ উদ্ধাৰ অভিযানৰ ক্ষেত্ৰত ওড়িশা চৰকাৰক কেন্দ্ৰই সকলোপ্ৰকাৰে সহায় কৰিব বুলি আশ্বাস দিয়ে মোদীয়ে। ওড়িশাৰ বিজেডি চৰকাৰক নিশ্চিন্ত হৈ এই সংকটজনক পৰিস্থিতিৰ সন্মুখীন হ’বলৈ মোদীয়ে আহ্বান জনায়। আনহাতে নবীন পাটনায়কৰ বিজেডি চৰকাৰেও কেন্দ্ৰীয় চৰকাৰৰ সহযোগিতাৰ শলাগ লয়।
Continue Reading
