ডিজিটেল ডেস্কঃ দেওবাৰৰ পৰা আৰম্ভ হ’ব দক্ষিণ আফ্ৰিকাৰ বিৰুদ্ধে টি-২০ শৃংখলা। প্ৰথমখন খেলৰ পূৰ্বে ৰিংকু সিঙৰ সাক্ষাৎকাৰ লৈছিল সতীৰ্থ শুবমান গিলে। ৰিংকুৰ ফিটনেছৰ ৰহস্য সেই সাক্ষাৎকাৰতে ওলাই পৰিছিল। ভাৰতীয় ক্ৰিকেট ব’ৰ্ডে ক্ৰিকেট প্ৰেমীৰ সৈতে তেওঁলোকৰ বাৰ্তালাপ ছ’চিয়েল মিডিয়াত শ্বেয়াৰ কৰিছে।
ৰিংকুৱে বেগেৰে দৌৰিব পৰাৰ কথাও তাত উলায়। শুবমানে ধেমালিতে কয়- “আচলতে তেওঁক বান্দৰে কামুৰিছিল। সেইবাবেই ইমান বেগেৰে দৌৰে।'’ শুবমানৰ মুখত ধেমেলীয়া উত্তৰটো শুনি ৰিংকুৱে হাঁহি হাঁহি প্ৰায় ঢলি পৰিল।
দক্ষিণ আফ্ৰিকাৰ উইকেটৰ সন্দৰ্ভত ৰিংকুৱে কয়, ‘দক্ষিণ আফ্ৰিকাৰ পিটচত ভাৰতীয় পিটচতকৈ অলপ বেছি বাউন্স থাকে। গতিও বেছি। গতিকে মই শক্তিশালী বলাৰৰ বিৰুদ্ধে অধিক অনুশীলন কৰিলোঁ।’
ৰিংকুৱে কয় যে তেওঁ প্ৰশিক্ষক ৰাহুল দ্ৰাবিদে পৰামৰ্শ অনুসৰি খেলিবলৈ চেষ্টা কৰিছিল। দ্ৰাবিদে তেওঁক কি উপদেশ দিছিল? কে কে আৰ ক্ৰিকেটাৰগৰাকীয়ে কয়- ''মই পাঁচ-ছয় নম্বৰত বেটিং কৰিবলৈ নামো। সেই সময়ত প্ৰথম বলৰ পৰাই খেলি থাকিব লাগিব। প্ৰশিক্ষকে মোক মোৰ স্বাভাৱিক ধৰণে বেটিং কৰিবলৈ ক’লে। তেওঁ মোক নিজৰ ওপৰত বিশ্বাস কৰিবলৈ কৈছিল। দ্ৰাবিড় ছাৰৰ লগত কথা পাতি ভাল লাগিল। ইয়াৰ বতৰও যথেষ্ট ভাল। অনুশীলন কৰিবলৈ মজা লাগে।''
বেটিং অৰ্ডাৰৰ তলত বেটিং কৰিবলৈ ৰিংকুৰ কোনো সংকোচ নাই। তেওঁ কয়, ‘পাঁচ-ছয় নম্বৰত বেটিং কৰাটো অলপ কঠিন। বিশেষকৈ টি-২০ ক্ৰিকেটত। কিন্তু মোৰ অভ্যস্ত। এতিয়া আৰু কোনো সমস্যা নাই। চাৰি-পাঁচটা উইকেট সোনকালে পৰিলে পৰিস্থিতি অধিক কঠিন হৈ পৰে। কাৰণ সেই পৰিস্থিতিত অধিক আক্ৰমণাত্মক হোৱাটোৱে সদায় ফল নাপায়।''
Continue Reading
