ডিজিটেল ডেস্কঃ বান্ধৱীক চুম্বন কৰি বিপদত পৰিছে সাম্প্ৰতিক সময়ৰ ফুটবল জগতৰ এজন প্ৰসিদ্ধ গ’লৰক্ষক। বুধবাৰে কাটাৰ বিশ্বকাপত বেলজিয়ামে কানাডাৰ বিৰুদ্ধে প্ৰথমখন মেচত অৱতীৰ্ণ হয়। কঠিন মেচখনত ১-০ ব্যৱধানত বিজয়ী হয় তাৰকাখচিত বেলজিয়াম।
মেচখনৰ প্ৰথমফালে কানাডাই এটা পেনাল্টিৰ সুযোগ লাভ কৰে। কিন্তু কানাডাৰ পেনাল্টিটো ছেভ কৰে বেলজিয়ামৰ গ’লৰক্ষক কুৰ্তোৱাই। ফলস্বৰূপে মেচখনত অগ্ৰগতি লাভৰ সুযোগ হেৰুৱায় কানাডা।
পেনাল্টি ছেভ কৰাৰ আনন্দত মতলীয়া হৈ পৰে বেলজিয়ামৰ গ’লৰক্ষক থিবো কুৰ্তোৱা। ষ্টেডিয়ামত দৰ্শকৰ শাৰীত থকা নিজৰ বান্ধৱী মিছেল গেৰজীৰ কাষলৈ যায় আৰু হাজাৰ হাজাৰ মানুহৰ সমুখতে ওঁঠত চুম্বন কৰে।
সাধাৰণতে ফুটবলাৰসকলে এইদৰে নিজৰ বান্ধৱীক চুম্বন কৰাটো পশ্চিমীয়া দেশসমূহত সহজ হ’লেও কাটাৰত ই এটা গুৰুত্তৰ অপৰাধ। বিশ্বকাপত কঠোৰভাৱে প্ৰয়োগ কৰা হৈছে দেশখনৰ ৰক্ষণশীল আইন।
কাটাৰৰ আইন অমান্য কৰাৰ বাবে বেলজিয়ামৰ গ’লৰক্ষকগৰাকীৰ বিৰুদ্ধে কঠোৰ ব্যৱস্থা ল’বলৈ ওলাইছে দেশখনৰ প্ৰশাসনে। অৱশ্যে এতিয়ালৈকে কি শাস্তি প্ৰদান কৰা হ’ব জানিব পৰা নাই।
উল্লেখ্য যে গ’লৰক্ষকগৰাকীৰ বান্ধৱী মিছেল এগৰাকী জনপ্ৰিয় স্পেনিছ মডেল। কোভিড মহামাৰিৰ সময়তে দুয়োৰে প্ৰেম হয়। বিশ্বকাপৰ পাছতে তেওঁলোক বিয়াত বহাৰ কথা আছে।
Continue Reading
