ডিজিটেল ডেস্কঃ বাংগালুৰুত সংঘটিত হৈছে এক ভয়ংকৰ হত্যাকাণ্ড। নিশা মহিলাৰ হোষ্টেলত প্ৰৱেশ কৰি এগৰাকী যুৱতীৰ ডিঙি চোকা দাৰে কাটি হত্যা কৰিছে এজন যুৱকে। হত্যাৰ কাৰণ এতিয়াও স্পষ্ট হোৱা নাই। ঘটনাৰ তদন্ত আৰম্ভ কৰিছে আৰক্ষীয়ে।
আৰক্ষীৰ তথ্য অনুসৰি মৃত যুৱতীগপাকীৰ নাম কৃতি কুমাৰী। তেওঁ বিহাৰৰ বাসিন্দা। তেওঁ বাংগালুৰুৰ এটা ব্যক্তিগত কোম্পানীত কাম কৰি আছিল। চহৰৰ কোৰামাংগালা অঞ্চলৰ ভি আৰ লেআউট পি জিত বাস কৰিছিল যুৱতীগৰাকীয়ে। মঙলবাৰে নিশা ১১.১০ৰ পৰা ১১.৩০ বজাৰ ভিতৰত পিজিত প্ৰৱেশ কৰে অভিযুক্তই। তৃতীয় মহলাৰ এটা কোঠাৰ বাহিৰত অভিযুক্ত যুৱকজনে কৃতিক আক্ৰমণ কৰে। অভিযোগ অনুসৰি যুৱতীগৰাকীক চোকা দাৰে ডিঙি কাটি হত্যা কৰা হয়। এই ঘটনা সংঘটিত কৰিয়েই যুৱকজনে পলায়ন কৰে।
হত্যাকাণ্ডৰ খবৰ পাই নিশাই পিজিলৈ আহে আৰক্ষী। ডিচিপি চাৰা ফাতিমাই কয় যে চিচিটিভিৰ ফুটেজ পৰীক্ষা কৰাৰ পিছত অভিযুক্তৰ সন্ধান অব্যাহত আছে। যুৱতীগৰাকীক হত্যা কৰাৰ কাৰণ বিষয়েও তদন্ত অব্যাহত ৰাখিছে আৰক্ষীয়ে। ফাতিমাই লগতে কয় যে অভিযুক্তক চিনাক্ত কৰা হৈছে। আৰক্ষীয়ে তেওঁক ধৰিবলৈ চেষ্টা অব্যাহত ৰাখিছে।
Continue Reading
