--°C
Loading...
Listen to Article
2 min read
80%
ডিজিটেল ডেস্কঃ৫ ছেপ্টেম্বৰৰ পৰা ৮ ছেপ্টেম্বৰলৈ চৰকাৰী ভ্ৰমণসূচীলৈ ভাৰতলৈ আহিব বাংলাদেশৰ প্ৰধানমন্ত্ৰী শ্বেইখ হাছিনা। চুবুৰীয়া দেশ খনৰ প্ৰধানমন্ত্ৰীগৰাকীয়ে ভাৰতলৈ অহাৰ পূৰ্বে ভাৰতৰ প্ৰশংসাত গদ গদ হৈ পৰা পৰিলক্ষিত হয়।

প্ৰধানমন্ত্ৰী শ্বেইখ হাছিনাই দাবী কৰিছে যে বাংলাদেশৰ প্ৰতিটো ধৰ্মৰ লোক শান্তি আৰু সম্প্ৰীতিৰ পৰিৱেশত বাস কৰি আছে। সংবাদ মাধ্যমক  সাক্ষাৎকাৰত হাছিনাই কয় যে দেশৰ সংখ্যালঘুসকলৰ ওপৰত হোৱা যিকোনো অত্যাচাৰৰ ক্ষেত্ৰত তেওঁৰ দল আৰু প্ৰশাসনে দ্ৰুততাৰে ব্যৱস্থা গ্ৰহণ কৰিছে ।

হাছিনাক শেহতীয়াকৈ বাংলাদেশৰ সংখ্যালঘু হিন্দু সম্প্ৰদায়ৰ ওপৰত হোৱা অত্যাচাৰৰ  বিষয়ে সাংবাদিকে সোধাত হাছিনাই কয় যে বাংলাদেশত হিন্দু লোকসকল সম্পূৰ্ণ ৰূপে সুৰক্ষিত।  হাছিনাই লগতে কয়  যে প্ৰতিখন দেশে প্ৰতিটো ধৰ্মৰ লোকৰ প্ৰতি "মহানুভৱতা" প্ৰদৰ্শন কৰা উচিত।  হাছিনাই কয়, "বাংলাদেশ এখন ধৰ্মনিৰপেক্ষ দেশ। বহুতো ধৰ্মৰ লোকে এই দেশত  বাস কৰে। যদিও দেশত সাম্প্ৰদায়িক সম্প্ৰীতি আছে, এটা বা দুটা অপ্ৰত্যাশিত ঘটনা সংঘটিত হোৱাটোঁ মিছা নহয়"।

অৱশ্যে আৱামী লীগৰ নেতাগৰাকীয়ে দাবী কৰে যে যদি কিবা "অপ্ৰত্যাশিত" ঘটনা ঘটে তেন্তে তেওঁৰ চৰকাৰ আৰু দলে তাৎক্ষণিক ব্যৱস্থা গ্ৰহণ কৰি আহিছে।  হাছিনাই লগতে  স্বীকাৰ কৰে যে আন পাঁচখন দেশৰ দৰে বাংলাদেশতো ধৰ্মীয় উগ্ৰবাদ আছে। ভাৰততো এনেকুৱাই হয়। তেওঁ দাবী কৰে যে এয়া এটা সকলোকে চিন্তিত কৰা সমস্যা । একে সময়তে তেওঁ কয় যে তেওঁৰ চৰকাৰে ধৰ্মনিৰপেক্ষতাৰ সৈতে  কোনো কাৰণতে আপোচ নকৰে।

 বাংলাদেশৰ  দেশৰ সংখ্যালঘুসকলক উদ্দেশ্যি হাছিনাই কয়, "আমি শাসনত থকাৰ পিছৰে পৰা মই দেশৰ সংখ্যালঘুসকলক কৈছো যে আপোনালোকো দেশৰ নাগৰিক। আপুনি আপোনাৰ নিজৰ দেশত বাস কৰে। নিজকে দুৰ্বল বুলি ভবাৰ কোনো কাৰণ নাই। "

শেহতীয়াকৈ বাংলাদেশত সংখ্যালঘু হিন্দুসকলৰ ওপৰত বাৰে বাৰে আক্ৰমণ হৈছে। চলিত বৰ্ষৰ ১৫ জুলাইত নৰাইলৰ সাহাপাৰা অঞ্চলত এদল লোকে হিন্দু লোকৰ  ঘৰ জ্বলাই দিছে। এই সন্দৰ্ভত, অভিযুক্তই যুক্তি দিছিল যে এজন হিন্দু লোকে ফেচবুকত ইছলাম ধৰ্মক অপমান কৰিছিল। বাংলাদেশৰ শেহতীয়া লোকপিয়ল অনুসৰি, সেই দেশত হিন্দুৰ সংখ্যা ১৩.৫ শতাংশৰ পৰা ৮.৫ শতাংশলৈ হ্ৰাস পাইছে। হিন্দু সংগঠনবোৰে দেশ খনত বাস কৰা হিন্দু লোকসকলক সুৰক্ষা প্ৰদান কৰিবলৈ চৰকাৰক দাবী জনাই আহিছে।

FOLLOW US F
POPULAR
FEATURE
TRENDY
হানীমুনত বাৰ্বিকিউৰ জুইত দগ্ধ নৱবিবাহিতা; দুমাহ জীৱন-মৃত্যুৰে যুঁজি অৱশেষত শেষ নিঃশ্বাস ত্যাগ
অসমৰ পৰা হেৰাই যাবলৈ ধৰিছে ‘গঙা চিলনী’
ক্ষেপণাস্ত্ৰ পৰীক্ষাৰ বাবে জাপানে ব্যৱহাৰ কৰিব ভাৰতৰ ফায়াৰিং ৰেঞ্জ, দ্বিপাক্ষিক প্ৰতিৰক্ষা সম্পৰ্ক শক্তিশালী কৰাৰ লক্ষ্য
ভাৰতৰ সেউজ শক্তিত ৭০০ কোটি ডলাৰ বিনিয়োগ কৰিব এমাজনে
উখল মাখল নলবাৰী; তেৰদিনীয়া বিস্তৃত কাৰ্যসূচীৰে ২৪ নৱেম্বৰৰ পৰা ৰাস মহোৎসৱ
কেৱল মৌখিক নির্দেশত দিয়া নিযুক্তিত কৰ্মচাৰীয়ে লাভ নকৰে পেঞ্চনকে ধৰি অন্যান্য অৱসৰকালীন সা-সুবিধা: গুৱাহাটী উচ্চ ন্যায়ালয়
আজি মুম্বাইত উপস্থিত হ’ব ব্ৰিটেইনৰ ৰাজকুমাৰ উইলিয়াম আৰু ৰাজকুমাৰী কেট; দিল্লীত প্ৰধানমন্ত্ৰী মোদীৰ সৈতে বৈঠক
ৰে’লত টিকট নাই, বিমানৰ টিকটৰো আকাশলংঘী দাম; ২৬ লাখ টকাৰ গাড়ী কিনি ষঠ পূজাৰ বাবে ঘৰলৈ আহিল এজন ব্যক্তি
২০০ মেগাৱাট বিদ্যুৎ পৰিবহণৰ লক্ষ্যৰে নির্মাণ হ’ব ভাৰত-ছিংগাপুৰ বিদ্যুৎ পৰিবাহী কৰিড’ৰ
অজনাৰ নদী চাফা কৰি চৰ্চাত অহা বিট্টু তবাহি অসুস্থ, মানুহে পুনৰ আৱৰ্জনা পেলাই লেতেৰা কৰিছে নদীখন
বাংলাদেশৰ প্রাক্তন প্রধানমন্ত্রী শ্বেখ হাছিনাৰ প্ৰত্যর্পণৰ সকলো আইনী প্রক্রিয়া সম্পূর্ণ কৰিলে ঢাকাই
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ