বাংলাদেশত পাৰ্থ-অৰ্পিতাৰ বৃহৎ সম্পত্তি উদ্ধাৰ, ইডিৰ স্কেনাৰত বাৰাছাট টেক্সটাইল

ডিজিটেল জেস্ক : পশ্চিমবংগৰ শিক্ষক নিযুক্তি কেলেংকাৰিৰ নতুন পাক । দুৰ্নীতিৰ টকাৰে বাংলাদেশত বেনামীভাৱে সম্পত্তি গঢ়িছে পাৰ্থ চেটাৰ্জী আৰু অৰ্পিতা মুখাৰ্জীয়ে। প্ৰাপ্ত তথ্য অনুসৰি বলৱৎকাৰী সঞ্চালকালয় বা ইডিয়ে তদন্ত অব্যাহত ৰখাৰ সময়তে বাংলাদেশৰ তাল্লীগঞ্জৰ অৰ্পিতা মুখাৰ্জীৰ ফ্লেটতৰ পৰা উদ্ধাৰ হৈছে বৃহৎ পৰিমাণৰ টকা। পাৰ্থ চেটাৰ্জী বাৰাছাতৰ সেই বস্ত্ৰ কোম্পানীটোৰ অনুষ্ঠানলৈ গৈছিল। আনকি কোম্পানীটোৰ দোকানৰ পৰা মাজে মাজে বহু শাৰীও কিনিছিল প্ৰাক্তন শিক্ষামন্ত্ৰীগৰাকীয়ে। সেই সংস্থাটোৰ সহায়ত তদন্তকাৰীয়ে বিমানযোগে বিপুল পৰিমাণৰ ধন বহিঃৰাজ্যলৈ সৰবৰাহ হৈছে নে নাই তদন্ত অব্যাহত ৰাখিছে। ইয়াৰ বাবে কেন্দ্ৰীয় তদন্তকাৰীয়ে বৈদেশিক পৰিক্ৰমা মন্ত্ৰালয়ৰ সহায় ল’ব।

 যোৱা সপ্তাহত ইডিয়ে অৰ্পিতাৰ বেলঘৰিয়াৰ ফ্লেটত তালাচী চলাইছিল। ফ্লেটত তদন্তকাৰী সংস্থাক আচৰিত কৰি উদ্ধাৰ হৈছিল বৃহৎসংখ্যক টকা। তদন্তকাৰী দলটোৱে মাজনিশালৈকে তাত তালাচী চলাই ২৯.৯০ লাখ টকা, ৫ কেজি সোণৰ বিস্কুট, ৪.৩১ কোটি টকা সোণ আৰু বহুতো মাটিৰ নথি উদ্ধাৰ কৰে। খবৰ অনুসৰি কেৱল ঘৰৰ আলমাৰীয়েই নহয়, পাৰ্থ চেটাৰ্জীৰ অৰ্পিতা মুখাৰ্জীৰ বেলঘৰীয়া ফ্লেটৰ বাথৰুমৰ পৰাও উদ্ধাৰ কৰা হৈছিল টকা। আটাইকেইটা আছিল পাঁচশ টকা আৰু দুহাজাৰ টকাৰ নোটৰ বাণ্ডিল। প্ৰায় ১০টা ট্ৰাংক নগদ ধন আৰু সোণেৰে ভৰাই থোৱা হৈছিল। ইডিৰ বিষয়াসকলে ট্ৰাকত কেন্দ্ৰীয় বাহিনীৰ সহযোগত ধনখিনি উদ্ধাৰ কৰে। ইয়াৰ পূৰ্বে ইডি তালিগঞ্জৰ অৰ্পিতাৰ ফ্লেটলৈ গৈছিল। তাৰ পৰা প্ৰায় ২২ কোটি নগদ ধন উদ্ধাৰ কৰা হয়। ইডিয়ে কেৱল বৃহৎ পৰিমাণৰ নগদ ধনেই নহয়, সোণ, বিদেশী মুদ্ৰা আৰু ৫৮ লাখ টকাৰ ২০টা মোবাইল ফোন উদ্ধাৰ কৰে।

 প্ৰসংগক্ৰমে ২২ জুলাইৰ বিয়লি অৰ্পিতা মুখোপাধ্যায়ৰ ডাইমণ্ড চিটি চাউথৰ ফ্লেটত বিপুল পৰিমাণৰ ধন, গহণা, মোবাইল আৰু বিদেশী মুদ্ৰা উদ্ধাৰ কৰা হয়। পিছদিনা প্ৰাক্তন শিক্ষামন্ত্ৰী তথা বৰ্তমানৰ উদ্যোগ মন্ত্ৰী পাৰ্থ চেটাৰ্জীৰ লগতে অৰ্পিতা মুখাৰ্জীকো গ্ৰেপ্তাৰ কৰা হয়। সোমবাৰে কলকাতাৰ এখন বিশেষ ইডি আদালতে পাৰ্থ আৰু অৰ্পিতাক ৩ আগষ্টলৈ জিম্মাত ৰখাৰ নিৰ্দেশ দিয়ে। ইডি বিষয়াসকলে নিশা প্ৰায় ১১:১৫ বজাত অৰ্পিতাৰ সৈতে চিজিঅ’ কমপ্লেক্সত উপস্থিত হয়। ইডি অফিচৰ এটা কোঠাত নিশা অৰ্পিতাক ৰখাৰ ব্যৱস্থা কৰা হৈছিল। অৱশ্যে সোমবাৰে নিশা কলকাতালৈ ঘূৰি নাহিল পাৰ্থ চেৰ্টাজী। তেওঁ ভুৱনেশ্বৰ এইমছ হাস্পতালত কটাবলগীয়া হৈছিল। মঙলবাৰে পুৱা তেওঁক কলকাতালৈ অনা হয়। ৰাজ্যিক মন্ত্ৰীগৰাকীক থানাৰ লকআপত ৰখাৰ পৰিৱৰ্তে চিজিঅ’ কমপ্লেক্সৰ অষ্টম মহলাৰ এটা সুকীয়া কোঠাত ৰখা হয়।