ডিজিটেল ডেস্কঃ মাধমাৰৰ উপৰি মাধমাৰ! পুনৰ বৃদ্ধি পেট্ৰ’ল আৰু ডিজেলৰ মূল্য। ৫ এপ্ৰিল মঙ্গলবাৰে ভাৰতত পেট্ৰ’ল আৰু ডিজেলৰ মূল্য পুনৰ বৃদ্ধি কৰা হৈছে। মঙ্গলবাৰে পুনৰ পেট্ৰ’ল আৰু ডিজেলত বৃদ্ধি কৰা হৈছে ৮০ পইচা।
ইয়াৰ লগে লগে বিগত ১৫ টা দিনত মুঠ ১৩ বাৰ বৃদ্ধি কৰা হ’ল ইন্ধনৰ মূল্য। একেলগে একেবাৰতে মূল্য বৃদ্ধিৰ সলনি প্ৰায় প্ৰতিদিনেই বৃদ্ধি কৰাই গৈ আছে তেলৰ মূল্য।
দেশৰ ৫ ৰাজ্যৰ বিধানসভা নিৰ্বাচনৰ কেইটামান দিনৰ পাছৰে পৰা বৃদ্ধি পাবলৈ ধৰিছে তেলৰ মূল্য। প্ৰায় প্ৰতিদিনেই ৮০ পইচা মানকৈ বৃদ্ধি হৈ বিগত ১৫ টা দিনত পেট্ৰ’লৰ মূল্য বৃদ্ধি পাইছে ৯.২০ টকালৈ। ২২ মাৰ্চৰ পৰা আৰম্ভ হৈছিল মূল্য বৃদ্ধিৰ সোঁত। বিগত দুটা সপ্তাহৰ ১৩ বাৰকৈ বৃদ্ধি পাইছে মূল্য।আজি ৫ এপ্ৰিল তাৰিখেও পুৱা ৬ বজাত সদৰি কৰা অনুসৰি পেট্ৰ’ল আৰু ডিজেল দুয়োবিধতে বৃদ্ধি পাইছে ৮০ পইচাকৈ।
গুৱাহাটীত প্ৰতি লিটাৰ পেট্ৰ’লৰ মূল্যত ৮৯ পইচাকৈ বৃদ্ধি কৰাৰ লগতে ডিজেলত ৮৫ পইচা বৃদ্ধি কৰা হৈছে। ইয়াৰ ফলত মঙ্গলবাৰে দিনটোত গুৱাহাটীত পেট্র’লৰ মূল্য ১০৪.৭৭ টকা আৰু ডিজেলৰ মূল্য ৯০.৫৬ টকা।
Continue Reading
