ডিজিটেল ডেস্কঃ আকাশলংঘী, মুঠতে বৰ্তমান সময়ত যদি আমি নিত্য ব্যৱহাৰ্য বস্তুৰ ভিতৰত সবাতোকৈ দামী সামগ্ৰীবিধৰ নাম লওঁ, সেয়া নিশ্চিতভাৱে প্ৰথমে পেট্ৰ’ল-ডিজেলৰ কথাকে মনলৈ আহিব। দৈনন্দিন ব্যৱহাৰ্য সামগ্ৰী পেট্ৰ’ল-ডিজেলৰ মুল্যবৃদ্ধিয়ে এতিয়া জনতাৰ মুৰত মাধমাৰ দিছে। পেট্ৰ’ল-ডিজেলৰ এতিয়া দৈনন্দিন মূল্যবৃদ্ধি হ’ব লৈছে। আলু-পিঁয়াজৰ দাম বজাৰত বঢ়া-টুটা হৈ থকাৰ দৰে পেট্ৰ’ল আৰু ডিজেলৰ দামো উঠা-নমা হৈ থকাটো আজিৰ দিনত সাধাৰণ কথা হৈ পৰিছে।
পেট্ৰ’লৰ
দাম যোৱাকালি যদি এটকা বাঢ়িছে আজি আকৌ চাৰি টকা বাঢ়িছে, মুঠতে মূল্যবৃদ্ধিৰ এই গ্ৰাফডাল
যেন এতিয়া ৰোৱাৰ নামে লোৱা নাই। বিগত ১৫দিনত ১৩বাৰ দাম বৃদ্ধি হৈ ৯.৫ টকা বৃদ্ধি পাইছে
পেট্ৰ’ল-ডিজেলৰ দাম। আজিৰ তাৰিখত পেট্ৰ’লৰ দাম ১০৪.৭৭ টকা হোৱাৰ বিপৰীতে ডিজেলত দাম
হৈছেগৈ ৯০.৫৬ টকা।
উল্লেখ্য যে, ভূ-ৰাজনৈতিক ক্ৰাইচিচৰ বাবে সমগ্ৰ বিশ্বতে খাৰুৱা তেলৰ মূল্য বিশ্বজুৰি বৃদ্ধি পাইছে। যাৰ প্ৰভাৱ পৰিছে ভাৰতীয় বজাৰতো। মাৰ্চ মাহৰ প্ৰথম ভাগতে অনুমান কৰা হৈছিল যে দেশত প্ৰতিলিটাৰ পেট্ৰ'ল আৰু ডিজেলত প্ৰায় ১৫ৰ পৰা ২২ টকালৈকে বৃদ্ধি পাব।
কমোডিটিজ এণ্ড মুদ্ৰা কেপিটেলভিয়া গ্লোবেল ৰিচাৰ্ছৰ মুখ্য ক্ষিতিজ পুৰোহিতে কয় যে ব্ৰেণ্ট অইলে ১২০ ডলাৰপৰ্যন্ত এতিয়া প্ৰত্যাহ্বান জনাইছে। কিন্তু আমি এই মুহূৰ্তত পুনৰ বিকল্প সন্ধান কৰিবলৈ চিন্তা-চৰ্চা কৰিছো।
ইফালে সূত্ৰৰ খবৰ অনুসৰি এপ্ৰিলৰ শেষৰ ফালে কিছু হ্ৰাস পাব পাৰে যদিও ১০০ টকাৰ তললৈ অহাৰ কোনো সম্ভাৱনা নাই। কিন্তু ছমাহৰ ভিতৰত পেট্ৰ'ল-ডিজেলৰ মূল্যত এতিয়াৰ তুলনাত যথেষ্ট পাৰ্থক্য দেখিবলৈ পাব বুলি অনুমান কৰিছে বিশেষজ্ঞসকলে।
ইফালে,
অসমীয়াৰ বাপতিসাহোন ৰঙালী বিহুও সমাগত। এই সময়তো সকলো সামগ্ৰীৰ আকাশলংঘী মূল্যবৃদ্ধিয়ে
এতিয়া ৰাইজৰ মাজত পানীত হাঁহ নচৰা অৱস্থা এটাৰ সৃষ্টি হৈছে। আলু-পিঁয়াজ, মিঠাতেলৰ পৰা
আদি কৰি সকলো সামগ্ৰী এতিয়া আকাশলংঘী মূল্যবৃদ্ধি হৈছে। এনে পৰিপ্ৰেক্ষিতত এতিয়া বাপতিসাহোন
ৰঙালী বিহুটো এতিয়া কঙালী হ’বলৈ গৈ আছে সেয়া নিশ্চিত।
