ডিজিটেল ডেস্কঃ বাঢ়ি গৈ আহিছে আমেৰিকা যুক্তৰাষ্ট্ৰৰ ৰাষ্ট্ৰপতি পদৰ বাবে ইচ্ছুক ভাৰতীয় বংশোদ্ভৱ প্ৰাৰ্থীৰ নাম। নিকি হেলীৰ পাছত এইবাৰ আন এজন ভাৰতীয় বংশোদ্ভূত আৰু ৰিপাব্লিকান নেতাই নিজকে ২০২৪ চনৰ আমেৰিকা যুক্তৰাষ্ট্ৰৰ ৰাষ্ট্ৰপতি নিৰ্বাচনৰ প্ৰাৰ্থী হিচাপে ঘোষণা কৰিছে।
তেওঁ হৈছে ৩৭ বছৰীয়া উদ্যোগপতি বিবেক ৰামস্বামী। তেওঁ দাবী কৰিছে যে তেওঁ ৰাষ্ট্ৰপতি হ’লে চীনৰ ওপৰত নিৰ্ভৰশীলতা হ্ৰাস কৰিব আৰু যোগ্যতাৰ ভিত্তিত আমেৰিকা পুনৰ নিৰ্মাণ কৰিব।
ৰামস্বামীৰ উপৰিপুৰুষৰ ঘৰ ভাৰতৰ কেৰালাত। তেওঁৰ পৰিয়ালে তাৰ পৰা অ’হিঅ’ৰ এটা শক্তি প্ৰকল্পত কাম কৰিবলৈ আমেৰিকালৈ গুচি গৈছিল। এটা টিভি সাক্ষাৎকাৰত তেওঁ দ্বিতীয় ভাৰতীয় বংশোদ্ভূত আৰু ৰিপাব্লিকান প্ৰাৰ্থী হিচাপে তেওঁৰ নাম ঘোষণা কৰিছে।
তেওঁ কয়, “মই ঘোষণা কৰি গৌৰৱান্বিত যে মই এই দেশখনৰ হেৰুওৱা আদৰ্শ ঘূৰাই আনিবলৈ আমেৰিকা যুক্তৰাষ্ট্ৰৰ ৰাষ্ট্ৰপতি নিৰ্বাচনত প্ৰতিদ্বন্দিতা কৰিম।‘’ ৰামস্বামীয়ে লগতে কয় যে তেওঁ আমেৰিকাৰ সকলো স্তৰতে দেশীয় প্ৰতিভা ঘূৰাই আনিবলৈ সংকল্পবদ্ধ।
উল্লেখ্য যে কেইদিনমান পূৰ্বে নিকি হেলীয়ে ঘোষণা কৰিছিল যে তেওঁ আমেৰিকা যুক্তৰাষ্ট্ৰৰ ৰাষ্ট্ৰপতি পদৰ বাবে প্ৰতিদ্বন্দিতা কৰিব। নিকিয়ে নিজকে এজন ভাৰতীয় অনুপ্ৰৱেশকাৰীৰ গৌৰৱান্বিত কন্যা বুলি দাবী কৰিছিল। তেওঁ আমেৰিকাৰ ইতিহাস পুনৰ লিখাৰ সময় হৈছে বুলিও মন্তব্য কৰিছিল। এইবাৰ ৰামাস্বামীৰ কণ্ঠতো প্ৰায় একেই সুৰ শুনা গৈছে।
Continue Reading
