বাস্তুশাস্ত্ৰ অনুসৰি ঘৰৰ উত্তৰ-পূব দিশৰ গুৰুত্ব জানো আহক...

ডিজিটেল ডেস্ক : বাস্তুশাস্ত্ৰত দিশ নিৰ্দেশনা অতি গুৰুত্বপূৰ্ণ। বাস্তুসন্মতভাৱে নিৰ্মাণ কৰা ঘৰত সদায় ধনাত্মক শক্তি উৎপন্ন হোৱাৰ বিপৰীতে যদি বাস্তুদোষৰ ফলত ঘৰলৈ ঋণাত্মক শক্তি আগমন হয়। ঘৰৰ সুখ-সমৃদ্ধি নোহোৱা হোৱাৰ লগতে এজন ব্যক্তিয়ে বহু সমস্যাৰ সন্মুখীন হ’বলগীয়া হয়। আনহাতে বাস্তুশাস্ত্ৰত ঘৰৰ পূব দিশটো অতি গুৰুত্বপূৰ্ণ বুলি গণ্য কৰা হয়। এই দিশ সন্দৰ্ভত বাস্তুশাস্ত্ৰত বহু নিয়মৰ কথা উল্লেখ কৰা হৈছে। এই নিয়মবোৰক আওকাণ কৰিলে ঘৰত বাস্তুদোষৰ সৃষ্টি হয়।

বাস্তুশাস্ত্ৰৰ মতে ঘৰৰ উত্তৰ-পূব দিশৰ গুৰুত্ব-

১. বাস্তুশাস্ত্ৰৰ মতে ঘৰৰ মূল দুৱাৰ সদায় পূব দিশত থাকিব লাগে। পূব দিশে সূৰ্য্য উদয় হয়। সেয়েহে মূল দুৱাৰখন পূব দিশত থকাৰ বাবে সূৰ্যৰ পোহৰ আৰু বতাহ পোনে পোনে ঘৰৰ ভিতৰলৈ প্ৰৱেশ কৰিব পাৰে। যাৰ বাবে ঘৰত ধনাত্মক শক্তি বাস কৰে।

২. ঘৰৰ ​​পূব অংশত যদি অধিক মুক্ত ঠাই থাকে তেন্তে ধন আগমনৰ ৰাস্তা সৃষ্টি হয়। গধুৰ বস্তু ঘৰৰ পূব দিশত ৰাখিব নালাগে বুলি কোৱা হয়। এনে কৰিলে বাস্তুদোষৰ সৃষ্টি হয়।

৩. শাস্ত্ৰত উত্তৰ-পূব দিশক দেৱ-দেৱীৰ দিশ বুলি কোৱা হয়। সেইবাবেই জোতা-চেণ্ডেল ভুলতো এই দিশত ৰাখিব নালাগে। এনে কৰিলে দেৱ-দেৱীৰ অসন্তুষ্ট হয় আৰু ঘৰলৈ দৰিদ্ৰতাৰ আগমন ঘটে।

৪. বাস্তুশাস্ত্ৰৰ মতে কেতিয়াও উত্তৰ-পূব দিশত শৌচাগাৰ নিৰ্মাণ কৰিব নালাগে। এই দিশত শৌচাগাৰ থাকিলে ঘৰৰ অগ্ৰগতিৰ পথ বন্ধ হৈ যায়।

 ৫. বাস্তুৰ মতে কোনো বৈদ্যুতিক সামগ্ৰী উত্তৰ-পূব দিশত ৰাখিব নালাগে। কোৱা হয় যে ইয়াৰ ফলত ঘৰৰ সদস্যসকলৰ মাজত বিবাদৰ সৃষ্টি হয়।

৬. বাস্তুৰ মতে উত্তৰ-পূব দিশত চিৰি বনাব নালাগে। কোৱা হয় যে বাস্তুদোষ ইয়াৰ পৰাই উদ্ভৱ হয়। যাৰ বাবে তাত বাস কৰা লোকসকলে ধনৰ লোকচানৰ সন্মুখীন হ’বলগীয়া হয়।