বাটৰ কাঁইট আঁতৰিল! পুটিনৰ কঠোৰ সমালোচক আলেক্সি নাভালনিৰ ৰাছিয়াৰ কাৰাগাৰৰ ভিতৰতে মৃত্যুঃ সংবাদমাধ্যমৰ খবৰ

তেতিয়াই পুটিন বিৰোধী নেতাজন অসুস্থ হৈ পৰে। তেওঁ অচেতন হৈ ঢলি পৰে। লগে লগে এম্বুলেন্স দল ঘটনাস্থলীত উপস্থিত হয়  । পৰীক্ষাৰ অন্তত দলটোৱে নাভালনিক মৃত বুলি ঘোষণা কৰে। উল্লেখ্য নাভালনি ৰাছিয়াৰ ৰাষ্ট্ৰপতি ভ্লাদিমিৰ পুটিনৰ তীব্ৰ সমালোচক হিচাপে জনাজাত। তেওঁ দীৰ্ঘদিন ধৰি ক্ৰেমলিনৰ ভিতৰত সংঘটিত দুৰ্নীতিৰ বিষয়ে সোচ্চাৰ হৈ আহিছিল। কেৱল সেয়াই নহয়, তেওঁ  ইউক্ৰেইনত ৰাছিয়াই আৰম্ভ কৰা  যুদ্ধৰ বিৰুদ্ধে এক শক্তিশালী আন্দোলনৰ আহ্বান জনোৱা দেখা গৈছিল। 

ৰাছিয়াৰ এখন আদালতে নাভালনিক প্ৰৱঞ্চনা আৰু দুৰ্নীতিকে ধৰি একাধিক অভিযোগত দোষী সাব্যস্ত কৰিছিল। তেওঁৰ শাস্তি পিছলৈ ন বছৰলৈ বৃদ্ধি কৰা হৈছিল। তেওঁক ১৯ বছৰৰ কাৰাদণ্ড বিহা হৈছিল।  উল্লেখ্য ২০২৪ চনৰ ১৭ মাৰ্চত ৰাছিয়াত নিৰ্বাচন অনুষ্ঠিত হ'ব। তাৰ পূৰ্বে  নাভালনিৰ মৃত্যুৱে ৰহস্যৰ সৃষ্টি কৰিছে।যোৱা বছৰৰ শেষত নাভালনিক চাইবেৰিয়াৰ কাৰাগাৰত ৰখা হৈছিল। তেওঁ মস্কোৰ পৰা ১,৯০০ কিলোমিটাৰ উত্তৰ-পূবত থকা য়ামালো-নেনেটচ অঞ্চলৰ খাৰ্প চহৰৰ এখন  কাৰাগাৰত আছিল। আনহাতে  পুটিনৰ অন্যতম মুখ্য প্ৰতিদ্বন্দী আলেকজেণ্ডাৰ লিটভিনেঙ্কোই ইতিমধ্যে মৃত্যুবৰণ কৰিছে। এতিয়া নাভালনিৰো মৃত্যুৰ খবৰ আহিছে। মস্কোৰ তৰফৰ পৰা অৱশ্যে নাভালনিৰ মৃতু্য সন্দৰ্ভত এতিয়ালৈকে কোনো তথ্য প্ৰকাশ কৰা হোৱা নাই।