ডিজিটেল ডেস্কঃ অভিনেত্ৰী কংগনা ৰাণাৱটৰ মন ভৰি পৰিছে। কোলাত 'বেবী ৰাণাৱট'ক লৈ চিকিৎসালয়ৰ পৰাই সেয়ে ভাল খবৰটো দিছে কংগনাই। জুলাই মাহতে কংগনাই 'বেবী ৰাণাৱট'ৰ আগতীয়া জাননী দিছিল। অৱশে।ত কংগনা ৰাণাৱটে নৱৰাত্ৰিৰ সময়তে ভাল খবৰটো দিছে। অভিনেত্ৰীগৰাকীৰ পৰিয়াললৈ এগৰাকী নতুন সদস্যৰ আগমন ঘটিছে।
সেয়ে ৰাণাৱত পৰিয়ালত এতিয়া সুখৰ বতাহ বলিছে। অনুপম খেৰ, মহিমা চৌধুৰী আৰু যে কিমানে কংগনাক অভিনন্দন জনাইছে তাৰ লেখ-জোখ নাই। কংগনা ৰাণাৱত পেঙীয়েক হৈছে। বৰ্তমান হিমাচল প্ৰদেশতথকা কংগনাই তেওঁৰ অনুৰাগীসকলক ভাল খবৰটো দিছে।
কংগনাৰ পৰিয়াললৈ এজন যুৱ সদস্য আহি উপস্থিত হৈছে। কংগনা ৰাণাৱত শুক্ৰবাৰে পেহীয়েক হৈছে । দৰাচলতে কংগনাৰ ভাতৃ অক্ষত ৰাণাৱতৰ পত্নী ৰিতুৱে জন্ম দিছে এটি পুত্ৰৰ সন্তান। নৱজাতকক কোলাতলৈ কংগনাই সকলোকে এই ভাল খবৰটো দিছে। অভিনেত্ৰীগৰাকীয়ে শ্বেয়াৰ কৰা ছবিখনত, 'বেবী ৰাণাৱত'ক তেওঁৰ পেহীয়েকৰ বাহুত আলফুলকৈ থকা দেখা গৈছে।
২০২০ চনত কংগনাৰ ভাতৃ অক্ষত ৰাণাৱটে ৰিতুৰ সৈতে বিবাহ পাশত আৱদ্ধ হৈছিল। কংগনাৰ সৈতে এই শুভ মুহূৰ্তত তেওঁৰ ভগ্নী ৰংগোলী ৰাণাৱতকো দেখা গৈছে। তেওঁলোক সকলোৱে একেলগে নাচিছে, আনন্দ কৰিছে।
Continue Reading
