ডিজিটেল ডেস্কঃ দেশজুৰি এতিয়া 'পাঠান’ৰ জ্বৰ। চিনেমাখন চুপাৰহিট হোৱাৰ উপৰিও গানসমূহো মানুহৰ মুখে মুখে শুনা গৈছে। কিন্তু 'পাঠান’ৰ গানসমূহৰ দায়িত্বত কোন কোন আছিল? কোনে কোনে শ্বাহৰুখ-দীপিকাৰ ছৱিখন গানেৰে সজাই তুলিছিল?
ট্ৰেইলাৰ মুক্তি পোৱাৰ কিছুদিন পিছতে মুক্তি পাইছিল ‘বেশৰাম ৰং’ গীতটো। এই গীতটি প্ৰথম মুক্তি পোৱাৰ পিছতে ব্যাপক হুলস্থুলৰ সৃষ্টি হৈছিল।
শিল্পা ৰাওৰ অপূৰ্ব কণ্ঠক ‘বেশৰাম ৰং’ গানটোত সুন্দৰভাৱে ব্যৱহাৰ কৰা হৈছে। গীতটোৰ সংগীত পৰিচালনাৰ দায়িত্বত আছিল বিশাল-শেখৰ। অৱশ্যে এই গীতটোৰ কথা কুমাৰে লিখিছে। গীতটোৰ নৃত্য পৰিচালনা কৰিছিল বৈভৱী মাৰ্চেণ্টে।
'বেশৰাম ৰং'ৰ প্ৰথম দুটা কলি স্পেনিছ ভাষাত গোৱা হয়। স্পেনিছ কলি দুটা লিখিছিল বিশাল দাদলানীয়ে। কাৰালিছা মণ্টেইৰ’ৱে গীতটোৰ স্পেনিছ ভাষাৰ অংশখিনি গাইছিল।
দুটা দশক ধৰি বলীউড সংগীত জগতৰ সৈতে জড়িত কাৰালিছা। এতিয়ালৈকে তেওঁ প্ৰায় ৭০০০ জিংগলত কণ্ঠ নিগৰাইছে। ২০০১ চনত ‘দিল চাহতা হায়’ ছবিত প্ৰথমবাৰৰ বাবে কাম কৰিছিল কাৰালিছাই। তেওঁ ‘জানে কিউ’ গীতটোত কোৰাছ গাইছিল।
ইয়াৰ পিছত ‘ওম শান্তি ওম’, ‘নিউয়ৰ্ক’, ‘ব্ৰেক কে বাদ’, ‘অঞ্জনা অঞ্জনী’ ছবিত কাৰালিছাই গীত গাইছিল। তেওঁ ‘বেফিক্ৰে’ ছবিৰ এটা গীতত ফৰাচী ভাষাত এটা সৰু অংশ গাইছিল।
‘পাঠান’ চিনেমাৰ আন এটা ছুপাৰহিট গীত হৈছে ‘ঝুমে জো পাঠান’। চিনেমাখনৰ শেষৰ দৃশ্যটোত এই গীতটোৰ ব্যৱহাৰ অতি আমোদজনক। কুমাৰৰ ৰচনা আৰু বিশাল-শেখৰৰ সুৰেৰে ‘ঝুমে জো পাঠান’ সজোৱা হৈছিল।
এই গীতটোত বিশাল-শেখৰে সুকৃতি কক্কৰৰ কণ্ঠ ব্যৱহাৰ কৰিছে। কিন্তু ‘ঝুমে জো পাঠান’ গীতটোৰ মূল গায়ক অৰিজিৎ সিং। 'ব্ৰহ্মষ্ট্ৰ'ৰ 'ডেন্স কা ভূত' গীতৰ পিছত পুনৰ 'পাঠান'ত এক চুপাৰহিট গীতেৰে অৰিজিৎ সিং পুনৰ উজ্বলি উঠিছে।
Continue Reading
