ডিজিটেল ডেস্কঃ ভাৰতীয় মল্লযুঁজাৰু সন্থাৰ ভূতপূৰ্ব সভাপতি তথা বিজেপিৰ সাংসদ ব্রীজ ভূষণ শৰণ সিঙৰ বিৰুদ্ধে যৌন নিৰ্যাতনৰ গোচৰ ৰুজু কৰা মহিলা মল্লযুঁজাৰুগৰাকী প্ৰাপ্তবয়স্ক বুলি প্ৰমাণিত হয়। ৰোহটকস্থিত মহিলা মল্লযুঁজাৰু বিদ্যালয়ৰ পৰা উদ্ধাৰ হোৱা জন্মৰ প্ৰমাণ পত্ৰৰ ভিত্তিত নিশ্চিত হৈছে যে তেওঁ এগৰাকী প্ৰাপ্তবয়স্ক।
কন’ট প্লেচ থানাত দিয়া এজাহাৰত মহিলা মল্লযুঁজাৰুগৰাকীয়ে কৈছিল যে ব্রীজ ভূষণে তেওঁক যৌন নিৰ্যাতন চলোৱাৰ সময়ত তেওঁ নাবালক আছিল।তেওঁৰ অভিযোগৰ ভিত্তিত আৰক্ষীয়ে যৌন শোষণ আৰু পোস্কোৰ ধাৰাত পৃথক গোচৰ ৰুজু কৰিছিল। গোচৰৰ তদন্তৰ সময়ত ৰোহটকৰ স্কুলৰ পৰা লাভ কৰা জন্মৰ প্ৰমাণ পত্ৰত তেওঁ প্ৰাপ্তবয়স্ক বুলি নিশ্চিত হয়।
এই ঘটনাৰ পাছত এতিয়া আৰক্ষীয়ে এই গোচৰৰ পৰা পস্কোৰ ধাৰাটো আঁতৰাই দিব আৰু কেৱল যৌন নিৰ্যাতনৰ গোচৰৰ তদন্ত হ’ব। অভিযোগকাৰী মহিলা মল্লযুঁজাৰুগৰাকী এগৰাকী প্ৰাপ্তবয়স্ক হোৱাৰ বাবেই বৃহৎ সকাহ পাইছে ব্রীজ ভূষণে।
Continue Reading
