ডিজিটেল ডেস্কঃ এজন যুৱকে এগৰাকী যুৱতীক চাৰি বছৰ ধৰি নিজৰ লগত ৰাখিছিল আৰু মানুহক পত্নী বুলি চিনাকি দিছিল। যুৱতীগৰাকীয়ে এটি কন্যা সন্তান জন্ম দিয়াৰ পাছতেই লাগিল লেঠা। কন্যা সন্তান জন্ম দিয়াৰ পাছত যুৱকজনে যুৱতীগৰাকীক বিয়া কৰিবলৈ অস্বীকাৰ কৰে।
কেৱল এয়াই নহয় যুৱকজনে যুৱতীগৰাকীক এৰি থৈ ঘৰৰ সকলো সা-সামগ্ৰী লৈ পলাই যায়। এতিয়া অভিযুক্তৰ বিৰুদ্ধে ব্যৱস্থা ল’বলৈ এছএছপিক অনুৰোধ জনাইছে ভুক্তভোগী যুৱতীগৰাকীয়ে।
এই ঘটনা সংঘটিত হৈছে মুজাফ্ফৰনগৰত। দক্ষিণ কল্যাণপুৰীৰ নগৰ কোটৱালি অঞ্চলৰ বাসিন্দা এগৰাকী যুৱতীয়ে জনোৱা মতে, ২০১৬ চনৰ ফেব্ৰুৱাৰী মাহত আৰিফ খান নামৰ এজন লোকৰ সৈতে তেওঁৰ বিবাহ হৈছিল। তেওঁলোকৰ চাৰি বছৰীয়া পুত্ৰ সন্তান এটিও আছিল। সেই সময়তে যুৱতীগৰাকীয়ে জীশানক লগ পায়। সেই চিনাকি প্ৰেমলৈ পৰিণত হ’ল। ইয়াৰ পিছত জীশান খানে তেওঁক বিয়া কৰাম বুলি কৈ মুজাফ্ফৰ্নগৰলৈ আনি একেলগে থাকিবলৈ আৰম্ভ কৰিলে। জীশান খানে কিন্তু যুৱতীগৰাকীক বিয়া নকৰোৱাকৈয়ে লগত ৰাখিছিল।
কন্যা সন্তান জন্ম দিয়াৰ পাছত যুৱতীগৰাকীয়ে জীশানক বিয়া পাতিবলৈ হেঁচা দিলে। তাৰপাছতে ঘৰৰ সকলো সামগ্ৰী সংগ্ৰহ কৰি জীশানে কাছগঞ্জলৈ পলায়ন কৰে। তেতিয়াৰ পৰাই অভিযুক্তৰ মোবাইল বন্ধ হৈ আছে। ভুক্তভোগী যুৱতীগৰাকীক ব্যৱস্থা গ্ৰহণৰ আশ্বাস আৰক্ষীয়ে।
Continue Reading
