ডিজিটেল ডেস্কঃ বৃহস্পতিবাৰে হোৱাইট হাউছত প্ৰধানমন্ত্ৰী নৰেন্দ্ৰ মোডীৰ বাবে আয়োজিত ৰাতিৰ আহাৰত উপস্থিত থাকে কেইবাজনো গণ্য মান্য ব্যক্তি। ভাৰতীয় কোটিপতি ব্যৱসায়ী মুকেশ আম্বানী, আনন্দ মহিন্দ্ৰাৰ পৰা আৰম্ভ কৰি গুগলৰ চিইঅ’ সুন্দৰ পিচাই, এপলৰ চিইঅ’ টিম কুক — ৰাতিৰ আহাৰত আন বহুকেইজন উপস্থিত আছিল।
সেই অনুষ্ঠানত মুকেশৰ পত্নী নীতা আম্বানীও উপস্থিত আছিল। স্বামী মুকেশৰ হাতত ধৰি হোয়াইট হাউছত প্ৰৱেশ কৰিলে নীতা। সোণালী হাতীদাঁতৰ শাৰী পিন্ধি নীতাই হোয়াইট হাউছত উপস্থিত থকা সকলোৰে দৃষ্টি আকৰ্ষণ কৰিছিল।
নীতাই পিন্ধা সুন্দৰকৈ তৈয়াৰী হাতীদাঁতৰ বেনাৰসী তৈয়াৰ কৰিবলৈ প্ৰায় এমাহ সময় লাগিছিল শিপিনীসকলে। ডিঙিত আৰু হাতত মুকুতাৰ গহনা, চুলিত ফুলৰ মালা পিন্ধি সম্পূৰ্ণ ভাৰতীয় সাজ পিন্ধি নীতাই আমেৰিকাৰ ৰাষ্ট্ৰপতিক লগ পাইছিল। ৰিলায়েন্স ফাউণ্ডেশ্যনৰ অধীনস্থ সংস্থা স্বদেশে নিৰ্মাণ কৰিছে এই শাৰীখন।
‘নীতা মুকেশ আম্বানী সাংস্কৃতিক কেন্দ্ৰ’ই ভাৰতীয় শিপিনী আৰু শিল্পীৰ কৰ্মৰাজিক বিশ্বলৈ অনাৰ উদ্যোগ লৈছে। শাৰী পিন্ধি হোয়াইট হাউছত প্ৰৱেশ কৰি নীতাই ভাৰতীয় সংস্কৃতিক চিত্ৰিত কৰিবলৈ চেষ্টা কৰিছিল, আৰু সফলতা লাভ কৰিছিল।
শেহতীয়াকৈ আমেৰিকাৰ উপ-ৰাষ্ট্ৰপতি কমলা হেৰিছৰ সৈতে দুপৰীয়াৰ আহাৰ গ্ৰহণৰ সময়ত নীতাই পিন্ধিছিল গোলাপী ৰঙৰ পাটোলা ৰেচম। পাৰত জন্তুৰ ডিজাইনৰে সজোৱা এই শাৰীখন বোৱাবলৈ শিল্পীসকলে প্ৰায় ছমাহ সময় লাগিছিল। নীতাৰ সাজ-পোছাকে সদায় সকলোৰে দৃষ্টি আকৰ্ষণ কৰে।
Continue Reading
