ডিজিটেল ডেস্কঃ কল্পনা কৰকচোন, যদি আপোনাৰ সন্মুখত শিলৰ ভাজি খাদ্য পৰিবেশন কৰা হয়, তেন্তে কি হ’ব? সামাজিক মাধ্যমত এটা ভিডিঅ’ ভাইৰেল হৈ পৰিছে, য’ত দেখা গৈছে যে শিল গুটি ভাজি প্ৰস্তুত কৰা হৈছে।
এই চীনা খাদ্যটোক ‘Suadio’ বুলি কোৱা হয়। শিলেৰে নিৰ্মিত এই ব্যঞ্জনবিধ মূলতঃ আন শাক-পাচলি আৰু চচৰ সৈতে কেৰাহীত ভাজি লোৱা হয়।
কিন্তু প্ৰশ্ন হয়, শিলটো কেনেকৈ খোৱা হয়? আচলতে শিলবোৰ চোবাই বা গিলি পেলোৱা নহয়, শিলত লাগি থকা মছলা আৰু চাটনিবোৰহে উপভোগ কৰা হয়। চীনা ভাষাত ‘ছুয়াডিঅ’ শব্দৰ অৰ্থ হৈছে চুহি খোৱা।
এই খাদ্যটো চীনৰ হুবেই প্ৰদেশত সুপৰিচিত। কোৱা হয়, বহু আগতে ব্যৱসায়ীয়ে যেতিয়া নদীত দীঘলীয়া যাত্ৰা কৰিছিল, যেতিয়া খাদ্যৰ অভাৱ হৈছিল, তেতিয়া নদীৰ পৰা শিল সংগ্ৰহ কৰি এই খাদ্য তৈয়াৰ কৰিছিল। নদীৰ পৰা সংগ্ৰহ কৰা শিলবোৰত একধৰণৰ সুগন্ধ আছিল। আন শাক-পাচলিৰ লগত ভাজিলে সুস্বাদু হৈ পৰে। পিছত চীনৰ বিভিন্ন প্ৰদেশত ব্যৱসায়ীসকলে সেই খাদ্য খাবলৈ আৰম্ভ কৰে।
Continue Reading
