ডিজিটেল ডেস্কঃ বৰ্তমান সময়ত মানুহৰ শৰীৰত ভিন্ন ৰোগে সহজেই থিতাপি লোৱা দেখিবলৈ পোৱা যায়। বৰ্তমান সময়ৰ খাদ্যাভাস, ভুল জীৱনশৈলীয়েই প্ৰধানকৈ ইয়াৰ বাবে দায়ী। আজিকালি মানুহৰ গেষ্ট্ৰিক কেন্সাৰ হোৱা দেখিবলৈ পোৱা যায়। আপুনি জানি আচৰিত হ’ব যে সমগ্ৰ বিশ্বত প্ৰতি বছৰে লক্ষাধিক লোক এই ৰোগত আক্ৰান্ত হয়।
পেটৰ কৰ্কট ৰোগক গেষ্ট্ৰিক কেন্সাৰ বোলা হয়। সহজ ভাষাত বুজিবলৈ হ’লে যেতিয়া পেটৰ কোষবোৰ বৃদ্ধি হ’বলৈ আৰম্ভ কৰে, তেতিয়া গেষ্ট্ৰিক কেন্সাৰৰ জন্ম হয়। অৰ্থাৎ কিছুমান অস্বাভাৱিক কোষৰ বৃদ্ধি হৈ পেটৰ এটা অংশত টিউমাৰ গঠন কৰে, ইয়ে কেন্সাৰৰ ৰূপ লয়।
গেষ্ট্ৰিক কেন্সাৰৰ এটা সাধাৰণ লক্ষণ হ’ল এচিডিটি, যিটো ভাৰতীয়ৰ মাজত এক সাধাৰণ সমস্যা। ইয়াক সহজভাৱে লোৱা হয়। ই যে গেষ্ট্ৰিক কেন্সাৰৰ লক্ষণো হ’ব পাৰে সেই বিষয়ে মানুহে সচেতন নহয়। এচিডিটি হ’লে মানুহে প্ৰায়ে ফাৰ্মাচীৰ পৰা ঔষধ আনি খায়, যাৰ ফলত এই ৰোগ প্ৰতিৰোধ নহয়, মাত্ৰ কিছু সময়ৰ বাবেহে ই সকাহ দিয়ে।
গেষ্ট্ৰিক কেন্সাৰৰ প্ৰাৰম্ভিক লক্ষণসমূহ কি জানো আহক
১) বদহজম
২) সঘনাই পেটৰ বিষ
৩) খাদ্য খোৱাৰ পাছত অতি ভৰপূৰ অনুভৱ কৰা
৪) মলত তেজ যোৱা
৫) ভোক কমি যোৱা
৬) ওজন কমি যোৱা
যদিহে এই লক্ষণসমূহ সঘনাই দেখা দিবলৈ ধৰে তেন্তে আওকাণ কৰা উচিত নহয়। অনতি পলমে চিকিৎসকৰ কাষ চপা উচিত।
Continue Reading
