বহুদিনলৈ জণ্ডিচ নোহোৱা হৈ যোৱা নাই, কেন্সাৰৰ ইংগিত নেকি? সবিশেষভাৱে জানি লওক

ডিজিটেল ডেস্ক : কোনটো ৰোগে কেতিয়া বাহ লয় সেয়া কোনেও নাজানে। কিছুমান ৰোগ আছে যিয়ে মানুহৰ অকাল মৃত্যুক মাতি আনে। কৰ্কট ৰোগক এনে এটা ৰোগ বুলিব পাৰি। যদি মানুহৰ শৰীৰৰ কোষবোৰ দ্ৰুতগতিত বৃদ্ধি হয়, তেন্তে বুজিব যে শৰীৰত কিবা এটা বিসংগতি চলি আছে। কিছুমান কৰ্কট ৰোগ শৰীৰৰ বাহিৰৰ পৰা জনা যায়, আনহাতে কিছুমান কৰ্কট ৰোগ শেষ পৰ্যায়তহে পোহৰলৈ আহে। অগ্নাশয়ত হোৱা কৰ্কট ৰোগ এনে এটা ৰোগ যি বেছিভাগ লোকৰ ক্ষেত্ৰতে শেষ পৰ্যায়ত প্ৰকাশ পায়। যদি আপুনি এই ৰোগৰ পৰা হাত সাৰিব বিচাৰে তেন্তে ইয়াৰ লক্ষণসমূহৰ প্ৰতিও সজাগ হোৱা উচিত।

 জণ্ডিচ পেনক্ৰিয়াটিক কেন্সাৰৰ প্ৰাথমিক লক্ষণ-

জণ্ডিচ হৈছে যকৃতৰ ৰোগ। যেতিয়া যকৃতে অধিক বিলিৰুবিন উৎপাদন কৰিবলৈ আৰম্ভ কৰে, তেতিয়া জণ্ডিছে ৰোগৰ সৃষ্টি হয়, জণ্ডিচ হৈছে পেনক্ৰিয়াটিক কেন্সাৰৰ প্ৰাথমিক লক্ষণ। মানুহৰ চকু, নখৰ ৰং হালধীয়া হোৱাৰ লগতে ছালো হালধীয়া হৈ পৰে। যদি এই লক্ষণবোৰ বহুদিনলৈকে থাকে, তেন্তে তৎক্ষণাত চিকিৎসকৰ দ্বাৰা পৰীক্ষা কৰোৱা উচিত। এয়া হ’ব পাৰে পেনক্ৰিয়াচৰ কৰ্কট ৰোগৰ আৰম্ভণি।

 কিয় হালধীয়া ৰং হৈ পৰে?

বিলিৰুবিন যকৃতত গাঢ় হালধীয়া-বাদামী ৰঙৰ পোৱা যায়। লিভাৰত ইয়াৰ এটা ডাঙৰ গুৰুত্বপূৰ্ণ ভূমিকা আছে। ই শৰীৰৰ পৰা বেয়া সামগ্ৰী আঁতৰোৱাৰ কাম কৰে। বেয়া ৰক্তকণিকাৰ বাবেই ইয়াৰ সৃষ্টি হয়। সাধাৰণতে ই যকৃতত সৃষ্টি হয়, কিন্তু যেতিয়া পিত্তনলী বন্ধ হৈ পৰে তেতিয়া ই তেজত জমা হ’বলৈ আৰম্ভ কৰে আৰু এইটোৱেই পেনক্ৰিয়াটিক কৰ্কট ৰোগৰ প্ৰাথমিক লক্ষণ বুলি ধৰা হয়। ইয়াক কেন্সাৰৰ প্ৰাথমিক লক্ষণ বুলিও ক’ব পাৰি।

 পেনক্ৰিয়াটিক কৰ্কট ৰোগৰ লক্ষণসমূহ কি কি?