--°C
Loading...
Listen to Article
2 min read
80%
ডিজিটেল ডেস্কঃ গ্লেমাৰ আৰু শ্ব’বিজৰ উদ্যোগটো বাহিৰৰ পৰা জাকজমক আৰু ধুনীয়া দেখা যায় যদিও ভিতৰি ভিতৰি ইয়াত বহু দুখজনক ঘটনা কিছুমান ঘটি থাকে। এনেধৰণৰ কিবা এক ঘটনা ঘটিল অভিনেত্ৰী সাধনাৰ লগত। সাধনা সেইগৰাকী অভিনেত্ৰী যাৰ চুলিৰ ষ্টাইল ‘সাধনা কাট’ নামেৰে বিখ্যাত হৈ পৰিছিল। ৬০ৰ দশকৰ জনপ্ৰিয় নায়িকা সাধনাই বহু বছৰ ধৰি চলচ্চিত্ৰ জগতত আধিপত্য বিস্তাৰ কৰিছিল। ৬০-৭০ৰ দশকৰ সৰ্বাধিক উপাৰ্জনকাৰী নায়িকাসকলৰ ভিতৰত সাধনা আছিল অন্যতম। তেওঁৰ কেৰিয়াৰত সকলো আছিল যদিও তেওঁ বহুত উত্থান-পতনো দেখিছিল। এটা সময়ো আহিল যেতিয়া সাধনাৰ বেয়া দিনবোৰ আৰম্ভ হ’ল৷ তেওঁ সহায় বিচাৰি বলীউডৰ মানুহৰ কাষ চাপিছিল কিন্তু কোনেও সহায় নকৰিলে।

বলীউডৰ জনপ্ৰিয় গায়িকা আশা ভোছলেই তেওঁৰ বিৰুদ্ধে গোচৰ তৰিছিল। আশা ভোছলে আৰু সাধনাৰ মাজত কিয় সংঘৰ্ষ হৈছিল? বিখ্যাত চলচ্চিত্ৰ পৰিচালক তথা প্ৰযোজক আৰ কে নায়াৰৰ সৈতে সাধনাৰ বিবাহ হৈছিল। ১৯৬৬ চনত দুয়োৰে বিবাহ হৈছিল। দুয়োৰে বৈবাহিক জীৱনটো ভালদৰে চলি আছিল। বিবাহৰ ২৮ বছৰ অতি সুন্দৰ ভাৱে পাৰ হৈছিল। কিন্তু ১৯৯৫ চনত আৰ কে নায়াৰৰ মৃত্যুৰ পাছত যেন সকলো সলনি হৈ পৰিল। সাধনা হৈ পৰিল সম্পূৰ্ণ অকলশৰীয়া। সাধনাই স্বামীৰ সৈতে মুম্বাইৰ খাৰত ‘সংগীতা’ নামৰ এটা বাংলোত বাস কৰিছিল। স্বামীৰ মৃত্যুৰ পিছত সাধনাৰ হৃদয় ভাগি যায়। তেওঁ অসুস্থও হৈ পৰিছিল। 

সাধনাই ভাৰত ত্যাগ কৰি আমেৰিকালৈ গ’ল। ভাবিছিল পৰিৱেশ সলনি হ’ব, হয়তো কিবা এটা ভাল হ’ব৷ সাধনাই বলীউডৰ পৰাও নিজকে আঁতৰাই ৰাখিছিল। সাধনাই সপোনতো ভবা নাছিল যে তেওঁৰ আগন্তুক দিনবোৰ আদালতলৈ দৌৰি দৌৰি পাৰ হ’ব। বৃদ্ধ বয়সতো তেওঁক টানি নিয়া হ’ব আদালতলৈ! আচলতে সাধনাৰ বাংলো বা ফ্লেটটো সেই একেটা বিল্ডিঙতে আছিল য’ত তেওঁৰ বিল্ডাৰো থাকে। কোৱা হয় যে বহুদিন ধৰি সাধনাৰ সম্পত্তিৰ ওপৰত চকু ৰাখিছিল বিল্ডাৰজনে। সাধনা অকলশৰীয়া আছিল। স্বামীৰ মৃত্যু হৈছিল আৰু সন্তান নাছিল। সাধনাৰ বাংলোটো কেনেবাকৈ প্ৰচুৰ দামত বিক্ৰী কৰি বিল্ডাৰজনে লাভ উঠাব বিচাৰিছিল। তেওঁ সাধনাৰ বাংলোটো গায়িকা আশা ভোছলেক বিপুল পৰিমাণত বিক্ৰী কৰাৰ প্ৰস্তাৱ দিছিল। আশা ভোছলে সাজু হ’ল।

খবৰ অনুসৰি, সাধনা এই বিষয়ে অৱগত নাছিল। কিন্তু সাধনাৰ অৱস্থা এনে কৰা হ’ল যে তেওঁক নিজৰ ঘৰতে বন্দী কৰি ৰখা হ’ল। সেই বিল্ডাৰজনে সাধনাক ঘৰৰ পৰা উলিয়াই দিবলৈ নানা ধৰণৰ কৌশল গ্ৰহণ কৰিছিল। খবৰ অনুসৰি বিল্ডাৰজনে ঘৰৰ ভিতৰলৈ গৈ সাধনাক হত্যা কৰাৰ ভাবুকিও দিছিল। এই গোচৰত সাধনাই আৰক্ষীক এজাহাৰ দাখিল কৰিছিল। তাৰপাছত বিল্ডাৰজনক গ্ৰেপ্তাৰ কৰা হৈছিল। কোৱা হয় যে সাধনাৰ নিজৰ ঘৰৰ বহু অংশত প্ৰৱেশ কৰাত বাধা আছিল। এই বিষয়ত আশা ভোছলে আৰু সাধনাৰ মাজত সংঘৰ্ষ আৰম্ভ হয়। 

আশা ভোছলেই সাধনাৰ বিৰুদ্ধে ছান্টাক্ৰুজ আৰক্ষী থানাত এফ আই আৰ দাখিল কৰিছিল। তাত তেওঁ অভিযোগ কৰিছিল যে সাধনা কেৱল অট্টালিকাৰ তলৰ মহলাৰ ভাড়াতীয়া। কিন্তু সাধনাই আশা আৰু তেওঁৰ ষ্টাফ আৰু আন সদস্যসকলক সকলোতে বাধা দিয়ে। সাধনাই আনকি তেওঁলোকক বাৰীত সোমাবলৈও নিদিয়ে। আশা ভোছলে কৈছিল যে সাধনাই বাগিচাখনত নিজৰ অধিকাৰ ভুলকৈ দাবী কৰিছে। বাগিচাখনত কেৱল আশাৰহে অধিকাৰ আছে। 

এক সাক্ষাৎকাৰত সাধনাই কৈছিল যে তেওঁ ৫০ বছৰ ধৰি বাংলোটোত আছে।  আশা ভোছলেক বাগিচালৈ যোৱাত কেতিয়াও বাধা দিয়া নাছিল।  সম্পত্তিক লৈ সাধনা আৰু আশা ভোছলেৰ এই আইনী যুঁজখন বহুদিন ধৰি চলিছিল। এই আইনী যুঁজ যুঁজি যুঁজিয়েই সাধনাই এই পৃথিৱী এৰি গুচি গ’ল। তেওঁ অসুস্থ দেহাৰেই আদালতলৈ গৈ থাকিল। খবৰ অনুসৰি সাধনাৰ মুখৰ কৰ্কট ৰোগ আছিল, যাৰ অস্ত্ৰোপচাৰো ২০১৪ চনৰ ডিচেম্বৰ মাহত হৈছিল। কিন্তু এবছৰৰ পিছত অৰ্থাৎ ২০১৫ চনৰ ১৫ ডিচেম্বৰত তেওঁৰ মৃত্যু হয়।

FOLLOW US F
POPULAR
FEATURE
TRENDY
হানীমুনত বাৰ্বিকিউৰ জুইত দগ্ধ নৱবিবাহিতা; দুমাহ জীৱন-মৃত্যুৰে যুঁজি অৱশেষত শেষ নিঃশ্বাস ত্যাগ
অসমৰ পৰা হেৰাই যাবলৈ ধৰিছে ‘গঙা চিলনী’
ক্ষেপণাস্ত্ৰ পৰীক্ষাৰ বাবে জাপানে ব্যৱহাৰ কৰিব ভাৰতৰ ফায়াৰিং ৰেঞ্জ, দ্বিপাক্ষিক প্ৰতিৰক্ষা সম্পৰ্ক শক্তিশালী কৰাৰ লক্ষ্য
ভাৰতৰ সেউজ শক্তিত ৭০০ কোটি ডলাৰ বিনিয়োগ কৰিব এমাজনে
উখল মাখল নলবাৰী; তেৰদিনীয়া বিস্তৃত কাৰ্যসূচীৰে ২৪ নৱেম্বৰৰ পৰা ৰাস মহোৎসৱ
কেৱল মৌখিক নির্দেশত দিয়া নিযুক্তিত কৰ্মচাৰীয়ে লাভ নকৰে পেঞ্চনকে ধৰি অন্যান্য অৱসৰকালীন সা-সুবিধা: গুৱাহাটী উচ্চ ন্যায়ালয়
আজি মুম্বাইত উপস্থিত হ’ব ব্ৰিটেইনৰ ৰাজকুমাৰ উইলিয়াম আৰু ৰাজকুমাৰী কেট; দিল্লীত প্ৰধানমন্ত্ৰী মোদীৰ সৈতে বৈঠক
ৰে’লত টিকট নাই, বিমানৰ টিকটৰো আকাশলংঘী দাম; ২৬ লাখ টকাৰ গাড়ী কিনি ষঠ পূজাৰ বাবে ঘৰলৈ আহিল এজন ব্যক্তি
২০০ মেগাৱাট বিদ্যুৎ পৰিবহণৰ লক্ষ্যৰে নির্মাণ হ’ব ভাৰত-ছিংগাপুৰ বিদ্যুৎ পৰিবাহী কৰিড’ৰ
অজনাৰ নদী চাফা কৰি চৰ্চাত অহা বিট্টু তবাহি অসুস্থ, মানুহে পুনৰ আৱৰ্জনা পেলাই লেতেৰা কৰিছে নদীখন
বাংলাদেশৰ প্রাক্তন প্রধানমন্ত্রী শ্বেখ হাছিনাৰ প্ৰত্যর্পণৰ সকলো আইনী প্রক্রিয়া সম্পূর্ণ কৰিলে ঢাকাই
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ