ডিজিটেল ডেস্কঃ দেওবাৰে ইডেন গাৰ্ডেনত দক্ষিণ আফ্ৰিকাৰ বিৰুদ্ধে বিৰাট কোহলীয়ে শচীন টেণ্ডুলকাৰৰ শতকৰ অভিলেখ স্পৰ্শ কৰে। তাৰপাছৰে পৰা উখল মাখল সমগ্ৰ দেশ। তাৰ প্ৰভাৱ পৰিল উত্তৰ প্ৰদেশৰ মুজাফ্ফৰনগৰতো। অঞ্চলটোৰ এখন বিৰিয়ানীৰ দোকানত কোহলীৰ এই প্ৰদৰ্শনৰ আনন্দত বিনামূলীয়াকৈ বিৰিয়ানী পৰিবেশন কৰা হয়।
মুজাফ্ফৰনগৰ অঞ্চলৰ এখন বিখ্যাত বিৰিয়ানীৰ দোকানৰ স্বত্বাধিকাৰী মহম্মদ ডেনিছ ৰিজৱানে কয়, ''আমাৰ ইয়াত বিখ্যাত ‘মুজাফ্ফৰনগৰ চিকেন বিৰিয়ানী’। যিহেতু যোৱা মেচখনত কোহলীয়ে ৮৮ ৰান সংগ্ৰহ কৰিছিল, গতিকে আমি বিৰিয়ানীৰ মূল্যত ৮৮ শতাংশ ৰেহাই দিছিলোঁ। কোহলীৰ জন্মদিনত আমি সম্পূৰ্ণ বিনামূলীয়া বিৰিয়ানী পৰিবেশন কৰাৰ সিদ্ধান্ত লৈছিলো। তেওঁৰ শতকটোৱে আমাৰ আনন্দ আৰু অধিক বৃদ্ধি কৰিলে। কোহলীৰ শতক ভাৰতীয় ক্ৰিকেটত এক বৃহৎ মাইলৰ খুঁটি। আমাৰ দোকানৰ পৰা কমেও ৫০০ লোকে বিনামূলীয়াকৈ বিৰিয়ানী খাইছে।”
দোকানখনৰ বাহিৰত এখন পোষ্টাৰত লিখা আছিল, ‘কোহলিৰ ৰানৰ দৰেই বিৰিয়ানীৰ শতাংশ ৰেহাই’। ৰিজৱানে কয় যে যদি তেওঁ কেতিয়াবা কোহলীৰ ওচৰ পায় তেন্তে তেওঁ কোহলীৰ হাতত তেওঁৰ দোকানৰ বিশেষ বিৰিয়ানী দিব বিচাৰে।
Continue Reading
