ডিজিটেল ডেস্ক
টি২০ ত অভিলেখ গঢ়াৰ পিছতো অসন্তুষ্ট হৈ পৰিল কিং কোহলী৷ অৱশ্যে এই অসন্তুষ্টিৰ কাৰণ স্বাভাৱিক৷ কোহলীৰ অনুমতি অবিহনেই গোপনীয়তা ভংগ কৰিলে হোটেলৰ কৰ্মচাৰীয়ে৷ টি২০ বিশ্বকাপত অংশ ল’বলৈ পাৰ্থৰ ক্রাউন টাৱাৰ হোটেলত অৱস্থান বিৰাট কোহলীয়ে৷এইখন হোটেলৰে কৰ্মচাৰীয়ে ভাইৰেল কৰিলে কোহলীৰ কোঠাৰ ভিডিঅ’৷
ভিডিঅ'টো হোটেলখনৰ কৰ্মচাৰী এজনে নিজেই বনাইছে। অৱশ্যে ইয়াৰ পিছতে কৰ্মচাৰীজনক হোটেলৰ পৰা নিলম্বন কৰা হৈছে। কৰ্মচাৰীজনেও ইয়াৰ বাবে কোহলীৰ ওচৰত ক্ষমা বিচাৰিছে। এই ভিডিঅ'টো বিৰাটৰ অনুপস্থিতিত তথা বনোৱা হৈছিল। কোহলীয়ে দক্ষিণ আফ্ৰিকাৰ বিৰুদ্ধে খেলি থকাৰ সময়তে ভিডিঅ’টো বনোৱা হৈছিল৷
এই ভিডিঅ’টোৰ সম্পৰ্কে অসন্তুষ্টি প্ৰকাশ কৰি কোহলীয়ে নিজৰ প্ৰফাইলত ভিডিঅ’টো শ্বেয়াৰ কৰিছিল৷
“কিং কোহলীৰ হোটেল ৰুম” শিৰোনামাৰ এই ভিডিঅ'টোত কোহলীৰ কোঠাত টেবুলত চশমা, টুপী, ঈশ্বৰৰ মূৰ্তি ৰখা দেখা গৈছে। ইয়াৰ উপৰিও কেইবাযোৰ মূল্যৱান জোতা আৰু এটা খোলা ছুটকেছো দেখা যায়। ছুটকেছত কোহলীৰ টিম ইণ্ডিয়াৰ জাৰ্চী দেখা গৈছে৷
Continue Reading
