বিবাহ-বহিৰ্ভূত সম্পৰ্কৰ দ্বাৰা জন্মা সন্তানৰ পক্ষ ল’লে উচ্চতম ন্যায়ালয়ে; লাভ কৰিব পৈতৃক সম্পত্তি

উচ্চতম ন্যায়ালয়ৰ এই সিদ্ধান্ত গুৰুত্বপূৰ্ণ কাৰণ এতিয়ালৈকে বাতিলহোৱা আৰু বাতিলযোগ্য বিবাহৰ পৰা জন্ম হোৱা শিশুৱে পিতৃ-মাতৃৰ স্ব-অধিগ্ৰহণ সম্পত্তিত অধিকাৰ লাভ কৰিব পাৰিছিল, কিন্তু পূৰ্বপুৰুষৰ সম্পত্তিত নহয়।এই গোচৰটো ২০১১ চনৰ ৩১ মাৰ্চত উচ্চতম ন্যায়ালয়ৰ দুজন ন্যায়াধীশৰ বিচাৰপীঠে বৃহৎ বিচাৰপীঠলৈ প্ৰেৰণ কৰিছিল। যোৱা মাহত মুখ্য ন্যায়াধীশ ডি ৱাই চন্দ্ৰচুড়, ন্যায়াধীশ জে বি পাৰদীৱালা আৰু মনোজ মিশ্ৰৰ বিচাৰপীঠে এই বিষয়টোৰ শুনানি গ্ৰহণ কৰিছিল আৰু এতিয়া এই গুৰুত্বপূৰ্ণ সিদ্ধান্ত লোৱা হৈছে।ইয়াত এটা কথা মনত ৰখাটো জৰুৰী যে এই সমগ্ৰ বিষয়টো এটা যৌথ হিন্দু পৰিয়ালৰ সম্পত্তিৰ সৈতে জড়িত। দৰাচলতে হিন্দু বিবাহ আইনৰ ১৬ নং ধাৰাত  বিবাহ-বহিৰ্ভূত সম্পৰ্কৰ পৰা জন্ম হোৱা সন্তানকো বৈধ বুলি গণ্য কৰা হয়।উচ্চতম ন্যায়ালয়ে এই ব্যৱস্থাক হিন্দু উত্তৰাধিকাৰ আইনৰ ৬ নং ধাৰাত হিন্দু মিতাক্ষৰ ব্যৱস্থা (যৌথ পৰিয়ালত উত্তৰাধিকাৰ নিৰ্ণয়ৰ ব্যৱস্থা)ৰ সৈতে সংযোগ কৰি এই সিদ্ধান্ত লৈছে।

হিন্দু মিতাক্ষৰ ব্যৱস্থাৰ অধীনত যৌথ পৰিয়ালৰ সম্পত্তিত ‘সহ-অংশীদাৰ’ৰ অংশ হ’ল তেওঁৰ মৃত্যুৰ ঠিক আগতে যি অংশৰ অধিকাৰী আছিল। এতিয়া উচ্চতম ন্যায়ালয়ে কৈছে যে বিবাহ-বহিৰ্ভূত সম্পৰ্কৰ পৰা জন্ম হোৱা সন্তানেও পিতৃয়ে উত্তৰাধিকাৰ হিচাপে লাভ কৰিবলগীয়া সম্পত্তিৰ অংশ দাবী কৰিব পাৰিব।