ডিজিটেল ডেস্কঃ মহিলাগৰাকীৰ ওজন ১৬০ কেজি। আৰু বিচনাৰ পৰা মজিয়াত পৰি যোৱাৰ লগে লগে পৰিয়ালটো দিশহাৰা হৈ পৰিল। তেওঁক ওপৰলৈ টানিবলৈ বহু চেষ্টা কৰি অৱশেষত পৰিয়ালৰ লোকে হাৰ মানিলে। বহু প্ৰচেষ্টা ব্যৰ্থ হোৱাৰ পাছত দুৰ্যোগ প্ৰশমন বিভাগক ফোন কৰা হয়। দুৰ্যোগ প্ৰশমন বিভাগো আহি তাত উপস্থিত হয়। বৃহস্পতিবাৰে মহাৰাষ্ট্ৰৰ থানেত সংঘটিত হয় এই ঘটনা।
মহিলাগৰাকীৰ বয়স ৬২ বছৰ। তেওঁ পৰিয়ালৰ সৈতে ৱাগবিল অঞ্চলৰ এটা ফ্লেটত থাকে। শাৰীৰিক অসুখ আৰু অতিৰিক্ত ওজনৰ বাবে তেওঁ সঠিকভাৱে লৰচৰ কৰিব পৰা নাছিল বুলি পৰিয়ালৰ সূত্ৰই দাবী কৰিছে। বৃহস্পতিবাৰে পুৱা কেনেবাকৈ বিচনাৰ পৰা বাগৰি পৰে মহিলাগৰাকী। আৰু সেইবাবেই বিচলিত হৈ পৰিল পৰিয়ালৰ লোক। উঠাবলৈ চেষ্টা কৰিছিল। কিন্তু কোনো লাভ নহ’ল।
মহিলাগৰাকীৰ পৰিয়ালৰ লোকে জৰুৰী ব্যৱস্থা গ্ৰহণৰ বাবে অনুৰোধ জনায়। এই বিষয়ে পৌৰনিগমৰ দুৰ্যোগ ব্যৱস্থাপনা শাখাত খবৰ দিয়া হয়। দুৰ্যোগ সঁহাৰি বাহিনীৰ সদস্যই মহিলাগৰাকীৰ ঘৰলৈ ততাতৈয়াকৈ উপস্থিত হয়। ইয়াৰ পিছত তেওঁলোকৰ সহায়ত মহিলাগৰাকীক পুনৰ মজিয়াৰ পৰা বিচনাখনলৈ তুলি দিয়া হ’ল। মহিলাগৰাকীক কোনো ক্ষতি নোহোৱাকৈ বিচনাত শুৱাই দিয়াৰ পিছতে পৰিয়ালৰ লোকে স্বস্তিৰ উশাহ লয়।
দুৰ্যোগ ব্যৱস্থাপনা বিভাগৰ মুৰব্বী ইয়াচিন তৰৱীয়ে কয় যে আমি বহু উদ্ধাৰ অভিযান কৰিছো। কিন্তু এইবাৰ প্ৰথমবাৰৰ বাবে এনে কাণ্ডৰ সাক্ষী হৈছো।" তৰ্ৱীয়ে কয় যে মহিলাগৰাকীক কোনো ক্ষতি নোহোৱাকৈ বিচনাত শুৱাই দিয়া হৈছে। ইয়াৰ বাহিৰেও পৰিলেও তেওঁৰ শৰীৰত কোনো আঘাত হোৱা নাছিল।
Continue Reading
