ডিজিটেল ডেস্ক: লণ্ডন অলিম্পিকৰ ব্ৰঞ্জ পদক বিজয়ী শ্বাটলাৰ চাইনা নেহৱালে মঙলবাৰে হংকঙৰ এনগান য়িৰ বিৰুদ্ধে পোনপটীয়া ছেটত জয়েৰে বিডব্লিউএফ বিশ্ব চেম্পিয়নশ্বিপ অভিযান আৰম্ভ কৰিছে। চাইনাই প্ৰথম ৰাউণ্ডত ৩৮ মিনিটৰ যুঁজত এনগান য়িক ২১-১৯, ২১-৯ ব্যৱধানত পৰাস্ত কৰি প্ৰি-কোৱাৰ্টাৰলৈ অগ্ৰসৰ হয়।
চাইনাৰ লগতে মহিলাৰ ডাবলছত ভাৰতীয় যুটি ট্ৰিচা জলি আৰু গায়ত্ৰী গোপীচান্দেও জয়েৰে প্ৰতিযোগিতাখনত অভিযান আৰম্ভণি কৰিছে। ভাৰতীয় যুটিটোৱে প্ৰথম ৰাউণ্ডত মালয়েছিয়াৰ য়িন য়ুৱান লো আৰু ভালেৰী চিঅ'ৰ বিৰুদ্ধে ২১-১১ ২১-১৩ ব্যৱধানত সহজ বিজয় সাব্যস্ত কৰে।
অৱশ্যে মিক্সড ডাবলছত প্ৰথমখন মেচতে পৰাজয়ৰ সন্মুখীন হৈছে ভেংকট গৌৰৱ প্ৰশদ আৰু জুহি দেৱাংগনৰ যুটি। ইংলেণ্ডৰ গ্ৰেগৰী মেয়াৰ্ছ আৰু জেনি মূৰৰ বিপক্ষে প্ৰথম ৰাউণ্ডৰ মেচখনত ১০-২১ ২১-২৩ ব্যৱধানত পৰাস্ত হৈ প্ৰতিযোগিতাখনৰ পৰা বিদায় লয় ভাৰতীয় যুটিটোৱে।
Continue Reading
