ডিজিটেল ডেস্কঃ চোৰাংকৈ সোণ সৰবৰাহ কৰাৰ নিত্য নতুন কৌশল অৱলম্বন কৰিছে চোৰাং ব্যৱসায়ীয়েষ৷ এইবাৰ শুল্ক বিভাগৰ চকুত ধূলি দি ভাৰতলৈ সোণ সৰবৰাহ কৰাৰ এক অভিনৱ কৌশল অৱলম্বন কৰিলে এজন লোকে৷ লোকজনে পেটৰ ভিৰত সোণ লুকুৱাই আনিছিল যদিও মুম্বাই বিমান বন্দৰত শুল্ক বিষয়াসকলে তেওঁক গ্ৰেপ্তাৰ কৰিবলৈ সক্ষম হয়৷
উল্লেখ্য বিদেশৰ পৰা ভাৰতলৈ অহা চোৰাং ব্যৱসায়ীসকলে প্ৰায়ে ড্ৰাগছৰ চোৰাং ব্যৱসায়ৰ বাবে অভিনৱ পদ্ধতি ব্যৱহাৰ কৰে। কিন্তু এইবাৰ সোণ সৰবৰাহ কৰিবলৈও তেনে পদ্ধতিয়েই গ্ৰহণ কৰা দেখা গৈছে৷ মুম্বাই আন্তঃৰাষ্ট্ৰীয় বিমানবন্দৰৰ শুল্ক বিভাগে এজন যাত্ৰীক পেটৰ ভিতৰত লুকুৱাই অনা সোণসহ গ্ৰেপ্তাৰ কৰিছে৷
ইণ্টিজাৰ আলী নামৰ এই যাত্ৰীজনে মুম্বাই বিমানবন্দৰত অৱতৰণ কৰাৰ পিছতে তেওঁৰ পেটৰ ভিতৰত লুকুৱাই অনা সোণ খিনি জব্দ কৰা হয়। শুল্ক বিভাগে সন্দেহ কৰিছিল যে অভিযুক্তজনে অবৈধভাৱে সোণ আনিব পাৰে৷
অনুসন্ধানৰ সময়ত অভিযুক্ত ইণ্টিজাৰে প্লাষ্টিকৰ ফইলত বান্ধি পেটৰ ভিতৰত লুকুৱাই অনা ৭ টুকুৰা (২৪০ গ্ৰাম) সোণ উদ্ধাৰ কৰে৷ লোকজনে সোণ খিনি গিলি দিয়াৰ কথা স্বীকাৰ কৰিছে।জেজে চিকিৎসালয়ৰ অস্ত্ৰোপচাৰ বিভাগৰ মুৰব্বী ডাঃ অজয় ভাণ্ডাৰৱাৰৰ নেতৃত্বত এটা দলে সোণ খিনি বিশেষ পদ্ধতিৰে উলিয়াই অনাৰ ব্যৱস্থা কৰে৷
Continue Reading
