ডিজিটেল ডেস্কঃ পাপৰ! ভাতৰ স’তে মোকৰা-মোকৰকৈ পাপৰ চোবাই নিশ্চয় আপুনি তৃপ্তি অনুভৱ কৰে৷ দেশজুৰি পাপৰৰ চাহিদা আছে৷ কিন্তু মালয়েছিয়াৰ এখন ৰেষ্টুৰেণ্টত এই পাপৰকে জনপ্ৰিয় মেস্ককান খাদ্য নাচোচ হিচাপে বিক্ৰী কৰা হৈছে। এই লৈয়েই দেশখনত থকা ভাৰতীয় খাদ্য প্ৰেমীসকলৰ মাজত তীব্ৰ অসন্তোষ!
মালয়েছিয়াৰ ৰেষ্টুৰেণ্টখনে 'এছিয়ান নাচোচ' হিচাপে বিক্ৰী কৰা একোখন পাপৰৰ মূল্য ২৭ ৰিংগিত হিচাপে নিৰ্ধাৰণ কৰিছে। ভাৰতীয় টকাত ইয়াৰ মূল্য প্ৰায় ৫০০ টকা। এই লৈয়েই ভাৰতীয় লোকসকলে সামাজিক মাধ্যমত তেওঁলোকৰ ক্ষোভ প্ৰকাশ কৰিছে৷ এজন টুইটাৰ ব্যৱহাৰকাৰীয়ে লিখিছে- "আগতে কুয়ালালামপুৰৰ এখন ৰেষ্টুৰেণ্টত চিকেন পকোড়াক অতি সুন্দৰভাৱে প্ৰস্তু কৰা হৈছিল। কিন্তু দাম ইমান বেছি নাছিল। ''
সাধাৰণতে ভাৰতীয় খাদ্যসমূহ বিশ্বৰ যিকোনো প্ৰান্তৰতে ব্যাপক জনপ্ৰিয়তা অৰ্জন কৰি আহিছে৷ বিশেষকৈ দক্ষিণ এছিয়াকে ধৰি বহুকেইটা অঞ্চলত ভাৰতীয় লোকসলক সঘন আহ যাহৰ ফলত বিৰিয়ানী, পোলাওকে ধৰি অনেক খাদ্যৰ প্ৰচলন আৰম্ভ হৈছে৷ পাপৰো এইসমূহ খাদ্যৰ ভিতৰত অন্যতম৷ সেইবাবেই বিদেশী খাদ্যৰ নামত পাপৰ খুওৱাটো পচন্দ কৰা নাই ভাৰতীয়সকলে৷
Continue Reading
